قطر میں جاری فیفا ورلڈ کپ کے ناک آؤٹ مرحلے کے مزید چار ٹیموں کا فیصلہ ہوگیا جس میں ارجنٹینا، پولینڈ، فرانس اور آسٹریلیا کی ٹیموں نے ناک آؤٹ مرحلے میں رسائی حاصل کرلی۔
تفصیلات کے مطابق اے اور بی کے بعد گروپ سی اور ڈی کی بھی پری کوارٹر فائنلسٹ کا فیصلہ ہوگیا نیٹ اسٹار فٹبالر میسی کی ارجنٹینا نے آخری راؤنڈ میچ میں پولینڈ کو یک طرفہ مقابلےکے بعد دوصفر سے شکست دی۔
میکسیکو نے سعودی عرب کے خلاف دو ایک سے میچ جیتا، لیکن دونوں ہی ٹیمیں سپر سکسٹین کیلئےکوالیفائی نہ کرسکیں۔
پولینڈ کی ٹیم میچ ہارنے کے باوجود بہتر گول اوسط کی بنیاد پر ناک آؤٹ مرحلے میں پہنچ گئی۔
ادھر گروپ ڈی میں دفاعی چیمپئن فرانس کواپ سیٹ شکست تیونس کی ٹیم نےایک صفر سے میدان مار لیا مگر اگلے مرحلےمیں جگہ نہ بناسکی۔
ایونٹ میں اپنا پہلا میچ ہارنے والی آسٹریلیا کا شاندار کم بیک مسلسل دوفتوحات سمیٹ کر راؤنڈ آف سکسٹین میں جگہ بنالی، کینگروز نے ڈو آر ڈائی میچ میں ڈنمارک کو ایک صفر سے پچھاڑ دیا۔