تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

فیفا فٹبال ورلڈکپ ٹرافی کی پاکستان آمد، تقریب رونمائی کہاں ہوگی؟

اسلام آباد: دنیا بھر کا سفر کرنے والی فیفا فٹبال ورلڈکپ ٹرافی چھ جون کو پاکستان پہنچے گی، ٹرافی کو کن کن شہروں میں رونمائی کے لئے پیش کیا جائےگا؟

تفصیلات کے مطابق ازبکستان سے سات جون کو فٹ بال ورلڈ کپ کی چمچاتی ٹرافی پاکستان آئے گی، پاکستان آمد سے قبل ٹرافی کی منزل کو تبدیل کردیا گیا ہے، سابقہ شیڈول کے مطابق ٹرافی کو اسلام آباد میں رونما ئی کے لئے پیش کیا جائے گا تاہم اب اسے تبدیل کردیا گیا ہے۔

ذرائع کا کہنا ہے کہ اسلام آباد کے بجائے ٹرافی کو لاہور لے جایا جائے گا جہاں مقامی ہوٹل میں ورلڈکپ ٹرافی کی رونمائی کرائی جائے گی، ایک روزہ مختصر قیام کے بعد ٹرافی سعودیہ عرب کے لئے روانہ ہوجائے گی۔

یہ بھی پڑھیں: فیفا ’لوگو‘ کی نمبر پلیٹ کی تاریخی نیلامی، خوش نصیب افراد کون؟

یہ مسلسل دوسرا موقع ہوگا کہ فیفا ورلڈ کپ ٹرافی پاکستان کا رخ کرے گی، اس سے قبل بھی دوہزار اٹھارہ میں یہ ٹرافی لاہور لائی گئی تھی، ٹرافی کے ہمراہ فرانس کے فٹبال ورلڈ کپ ونر کرسٹن کیرمبایو بھی پاکستان آئے تھے جنہوں نے ٹرافی کو نمائش کیلئے پیش کیا تھا۔

فیفا قوانین کے مطابق اس ٹرافی کو تھامنے کا حق یا تو ورلڈ کپ جیتنے والے کھلاڑی یا فیفا صدر یا پھر سربراہان مملکت کو ہی ہے،منتظمین کے مطابق اس بار بھی ٹرافی کے ساتھ فرانسیسی ورلڈ چیمپین کرسٹن کیرمبایو ہی پاکستان آئیں گے۔

Comments

- Advertisement -