The news is by your side.

Advertisement

گاڑی کا پانچواں گیئر نہیں لگا، شہری مکینک کیخلاف عدالت پہنچ گیا

کراچی : عدالتوں میں زیر سماعت مقدمات تو بہت سی نوعیت کے ہوتے ہیں لیکن کراچی میں ایک شخص نے عدالت میں اپنی نوعیت کی انوکھی درخواست دائر کی ہے۔

شہر قائد کے رہائشی نے محض اس بات پر عدالت کا دروازہ کھٹکھٹا دیا کہ مکینک نے اس کی گاڑی کی مرمت تسلی بخش نہیں کی، جس کی وجہ سے گاڑی کا پانچواں گیئرنہیں لگ رہا۔،

گلشن اقبال کے شہری نے گاڑی کا پانچواں گیئر نہ لگنے پر مکینک کے خلاف صارف عدالت میں دعویٰ دائر کردیا، درخواست گزار کا کہنا ہے کہ انجن کی تبدیلی کے بعد بھی کار پانچویں گیئر میں نہیں جاتی۔

درخواست گزار نے عدالت سے استدعا کی کہ انجن بدلنے کی مد میں مکینک کو ادا کیے گئے44000 ہزار واپس کیے جائیں، اس کے علاوہ نقصانات کی مد میں دو لاکھ روپے بھی ادا کیے جائیں۔

درخواست گزار کی شکایت پر صارف عدالت کی جانب سے آئندہ سماعت تک کیلئے مذکورہ مکینک کو قانونی نوٹس جاری کر دیا گیا ہے۔

Comments

یہ بھی پڑھیں