جانوروں کی لڑائی اور ان کے شکار کی کئی ویڈیوز اکثر سوشل میڈیا پر وائرل ہوتی رہتی ہیں، بعض اوقات یہ ویڈیوز اس قدر خوفناک ہوتی ہیں کہ ہم انہیں دیکھ کر سکتے میں آجاتے ہیں اور کبھی ہمیں اپنی آنکھوں پر یقین نہیں آتا۔
جانوروں کی لڑائی کی ایک ایسی ہی حیرت انگیز ویڈیو سوشل میڈیا پر وائرل ہو رہی ہے جسے دیکھ کر آپ کو اپنی آنکھوں پر یقین نہیں آئے گا۔ اس ویڈیو میں ہاتھی اور گینڈے کی لڑائی دکھائی گئی ہے۔ لیکن ویڈیو میں کیا ہوا دیکھ کر آپ حیران رہ جائیں گے۔
اس ویڈیو میں آپ دیکھ سکتے ہیں کہ ہاتھی اور گینڈا آمنے سامنے کھڑے نظر آ رہے ہیں اور دونوں بہت غصے میں بھی ہیں۔ اگلے کچھ سیکنڈ میں گینڈا ہاتھی سے لڑنے ہی والا ہے لیکن ہاتھی گینڈے کی طرف بڑھنے لگتا ہے اور جیسے جیسے ہاتھی آگے بڑھتا ہے گینڈا حکمت عملی کے تحت پیچھے ہٹتا رہتا ہے۔
Fight for supremacy !!#SMForward pic.twitter.com/D7XnwzZtBo
— Saket Badola IFS (@Saket_Badola) June 6, 2023
لیکن جیسے ہی گینڈا اپنے لمبے اور نوکیلے سینگ سے ہاتھی کو مارنے کی کوشش کرتا ہے، ہاتھی بھی اس پر حملہ کرتا ہے اور گینڈا اس کے لمبے لمبے دانتوں کی گرفت میں باآسانی آجاتا ہے۔
پھر ہاتھی گینڈے پر چڑھنے کی کوشش کرنے لگتا ہے اور اس پر بھی پاؤں رکھ لیتا ہے، اسی دوران گینڈا کو جیسے ہی کچھ دیر کیلئے موقع ملتا ہے وہ ہاتھی کے چنگل سے بچ نکلتا ہے۔
اس ویڈیو کو سماجی رابطے کی ویب سائٹ ٹوئٹر پر اب تک 1 لاکھ سے زیادہ بار دیکھا جا چکا ہے، اور صارفین اس پر دلچسپ کمنٹس بھی کررہے ہیں،
ایک صارف نے لکھا کہ ہاتھی کی جیت یقینی تھی لیکن اس لڑائی میں گینڈے کی حالت خراب تھی ایک اور صارف نے لکھا کہ گینڈے کو بھاگنے کے لیے جگہ نہیں ملی۔
