The news is by your side.

Advertisement

انجیرکا پھل، بڑھاپے کا دشمن

چترال: جدید تحقیق سے ثابت ہوا ہے کہ قرآن میں مذکوردوپھل انجیراورزیتون قبل ازوقت بڑھاپےسے روکتا ہے۔

پشاوریونیورسٹی باٹنی ڈیپارٹمنٹ کے سابق چئیرمین پروفیسر ڈاکٹرعبد الرشید کی ایک تحقیق کے مطابق انجیر کا پھل بڑھاپے کو روکتا ہے۔

انجئیر کا پھل عام طور پر موسم گرما میں پک جاتا ہے جسے لوگ بطور پھل تو کھاتے ہیں مگر بطوردوا ، اس کا استعمال کا بہت کم لوگوں کو شائد معلوم ہو۔

پروفیسر ڈاکٹر عبد الرشید کے ساتھ ایک حصوصی نشست میں انہوں نے کہا کہ قرآن پاک میں اِنجیر کا ایک بار اور زیتون کا سات مرتبہ ذکرآیا ہے اس کا مطلب ہے کہ ایک نسبت سات اگر ان دونوں پھلوں کو ملاکر استعمال کیا جائے تو یہ بہت ساری بیماریوں کی تریاق بھی ہے۔

انہوں نے کہا کہ جدید تحقیق کے مطابق انجیر اور زیتون کا پھل بڑھاپے کو روکتا ہے یعنی اس پھل کے کھانے سے بڑھاپا جلدی نہیں آتا۔

انجیر کا پھل پہلے تو بہت زیادہ ہوا کرتا تھا مگر آج کل اس کا پھل ناپید ہورہا ہے تاہم اب بھی دیہاتی لوگ اس پھل کو اگاتے ہیں اور اس میں اعلیٰ نسل کے پھل کی قلم لگاکرپیوند کاری سے اس درخت میں بڑی ساخت کی انجیر اگاتے ہیں جسے لوگ نہایت شوق سے کھاتے ہیں۔

ڈاکٹرعبد الرشید کا کہناہے کہ انہوں نے ازاحیل کے مقام پر قرآنک گارڈن میں ایسے پھلوں اور درختوں کو لگایا ہے جن کا ذکر قرآن پاک میں آیا ہوا ہے۔

انہوں نے چالیس سال سے زائد عمر کے لوگوں کو ہدایت کی ہے کہ وہ انجیر اور زیتون کا پھل ضرور کھایا کرے تاکہ بے وقت بڑھاپے سے بچا جاسکے۔

Print Friendly, PDF & Email

Comments

comments

یہ بھی پڑھیں