لاہور : پیٹرول کی حالیہ قیمت عالمی منڈی کے مطابق کم نہ نہ کرنے کیخلاف لاہور ہائیکورٹ میں درخواست دائر کر دی گئی، جس میں کہا ہے کہ پیٹرول کی قیمت عالمی منڈی کی قیمت کے برابر کم کی جائے۔
تفصیلات کے مطابق لاہور ہائی کورٹ میں پیٹرول کی حالیہ قیمت عالمی منڈی کے مطابق کم نہ کرنے کیخلاف درخواست دائر کردی گئی۔
اظہر صدیق ایڈووکیٹ کی جانب سے درخواست دائر کی گٸی، جس میں مؤقف اختیار کیا گیا ہے کہ عالمی منڈی میں پیٹرولیم مصنوعات کی فی بیرل قیمت کے مطابق پاکستان میں پیٹرولیم مصنوعات میں کمی نہیں لائی گئی۔
درخواست گزار کا کہنا تھا کہ ملک میں قیمتیں کم نہ کرنے سے مہنگائی برقرار رہے گی،پیٹرول کی اصل قیمت کم نہ کرنا استحصال کرنے کے برابر ہے اور آئین کے منافی ہے۔
درخواست میں استدعا کی گئی کہ پیٹرول کی قیمت عالمی منڈی کی قیمت کے برابر کم کی جائے۔
گذشتہ روز فاقی حکومت نے پیٹرولیم مصنوعات کی قیمتوں میں کمی کا اعلان کیا تھا ، جس کے تحت پیٹرول پر فی لیٹر 10 روپے جبکہ ڈیزل پر ساڑھے سات روپے فی لیٹر کمی کی گئی۔
