لاس اینجلس : ڈراؤنی فلم کُلٹ آف چکی کا سنسنی خیز ٹیزر ریلیز کردیا گیا ہے، جسے دیکھ کر شائقین کی کپکپی چھوٹ گئی، فلم رواں برس نمائش کے لئے پیش کی جائے گی۔
تفصیلات کے مطابق جان لیوا خونی گڈا تہلکہ مچانے کیلئے تیار ہے، چائلڈز پلے سیریز کی نئی فلم کُلٹ آف چکی کا سنسنی خیز ٹیزر ریلیز کردیا گیا۔
نئی فلم کُلٹ آف چکی کے سنسنی خیز ٹریلر نے شائقین پر خوف طاری کردیا، فلم چائلڈز پلے سیریز کی ساتویں اور دو ہزار تیرہ میں آئی کرس آف چکی کا سیکوئل ہے۔
فلم کی کہانی ایک خونی گڈے کی ہے جو ایک بار پھر ایک گھرانے کو نشانہ بنانے کیلئے واپس آیا ہے۔ انیس سو اٹھاسی سے شروع ہونے والی دل دہلاتی کہانی رواں برس سنیما گھروں میں ریلیز کی جائے گی۔
0
20
