بالی ووڈ کی ماضی کی مقبول فلم ’کبھی خوشی کبھی غم‘ میں شاہ رخ اور کاجول کے بیٹے کا کردار ادا کرنے والے جبران خان کی بالی ووڈ میں 20 سال بعد واپسی ہوئی ہے۔
اس وقت کے چائئلڈ اسٹار جبران خان فلم ‘عشق وشق ریباؤنڈ’ میں تقریباً 20 سال بعد دکھائی دیں گے جو 2003 میں ریلیز ہونے والی ’عشق وشق‘ کا سیکوئل ہوگی۔
فلم عشق وشق میں اداکار شاہد کپور اور امریتا راؤ نے مرکزی کردار ادا کیا تھا جب کہ اب فلم کا سیکوئل تیاری کے مراحل میں ہے جس میں جبران خان بطور ہیرو دکھائی دیں گے اور فلم کو آئندہ برس 2023 میں ریلیز کیا جائے گا۔
بالی وڈ میں واپسی کی اطلاع اداکار نے اپنے مصدقہ انسٹاگرام اکاؤنٹ کے ذریعے دی۔
انہوں نے اپنی پوسٹ میں لکھا کہ ‘خواب بھی سچ ہوتے ہیں’، ساتھ ہی اداکار نے فلم کے دوسرے اداکاروں کو بھی مینشن کیا۔
View this post on Instagram
جبران خان دیگر فلموں میں بھی بطور چائلڈ اسٹار دکھائی دیے جن میں ‘کیوں کہ میں جھوٹ نہیں بولتا’اور ‘رشتے’ شامل ہیں۔
واضح رہے کہ جبران خان نے 2001 میں فلم کبھی خوشی کبھی غم میں ‘کرش رائے چند’ کا کردار ادا کیا تھا جس نے مقبولیت کے کئی ریکارڈز توڑے۔
