فلم والا پکچر کے بینر تلے بنائی جانے والی فلم ’کھیل کھیل میں‘ میں مرکزی کردار ادا کرنے والی اداکارہ سجل علی اور بلال عباس نے پروگرام ’گڈ مارننگ پاکستان‘ میں شرکت کی اور میزبان ندا یاسر کے مختلف سوالات کے جوابات دیے۔
اداکارہ سجل علی اور بلال عباس نے بتایا کہ فلم کھیل کھیل میں اداکار شہریار منور بھی موجود ہیں اور انہوں نے فلم میں اہم کردار نبھایا ہے۔
بلال عباس نے بتایا کہ شہریار منور کا فلم میں اہم کردار ہے، وہ فلم میں مختلف روپ میں دکھائی دیں گے۔
ندا یاسر نے کہا کہ میں نے جب کل فلم کا پرومو دیکھا تو لگا کہ یہ تو شہریار منور کی آواز ہے اور یہ اداکاری بھی انہی کی طرح کررہا ہے۔
بلال عباس بتایا کہ شہریار منور کا کردار ٹیزر اور ٹریلر میں بھی تھا لیکن فلم میں ان کا کردار ایسا ہے جس کی وجہ سے شاید آپ پہچان نہ سکیں۔
سجل علی نے بتایا کہ فلم میں گلوکار و اداکار علی ظفر بھی مہمان اداکار کے طور پر نظر آئیں گے۔
واضح رہے کہ نبیل قریشی کی ہدایت کاری میں بنائی جانے والی فلم میں سجل علی، بلال عباس خان مرکزی کردار نبھائیں گے جب کہ تجربہ کار اداکار جاوید شیخ، ثمینہ احمد، مرینہ خان اور منظر صہبائی بھی اہم کردار ادا کرتے نظر آئیں گے۔
یاد رہے کہ فکچر والا فلم کے بینر تلے بنائی جانے والی فلم 19 نومبر کو ریلیز کی جائے گی، اے آر وائی ڈیجیٹل اور اے آروائی نیوز فلم کے میڈیا پارٹنرز ہیں۔
