نیویارک : معروف ہالی ووڈ فلم ’ٹارزن‘ کے مرکزی کردار جوئی لارا اہلیہ سمیت طیارہ حادثے میں ہلاک ہوگئے۔
غیر ملکی خبر رساں ادارے کی رپورٹ کے مطابق طیارہ حادثہ امریکی ریاست ٹیننسی میں پیش آیا جہاں چھوٹا طیارہ سیسنا سی 501 روتھر فورڈ کاؤنٹی ایئرپورٹ سے پرواز کے کچھ دیر بعد حادثے کا شکار ہوگیا۔
ذرائع ابلاغ کا کہنا ہے کہ طیارہ ہوائی اڈے سے اڑان بھرنے کے کچھ دیر بعد ہی فنی خرابی کے باعث جھیل میں جاگرا، جس کے نتیجے میں سوار تمام مسافر موقع پر ہی دم توڑ گئے۔
طیارہ حادثے میں ہلاک ہونے والے مسافروں میں معروف ہالی فلم ’ٹارزن‘ میں مرکزی کردار نبھانے والے 58 سالہ جوئی لارا اور ان کی 66 سالہ اہلیہ بھی شامل تھیں۔
امریکا کی فیڈرل ایوی ایشن ایجنسی اور پولیس نے طیارہ حادثے کی تحقیقات کا آغاز کردیا ہے۔
یہ بھی پڑھیں : امریکا میں خوفناک طیارہ حادثہ، تمام مسافر ہلاک
خیال رہے کہ ماضی کی مقبول ترین فلم ’ٹارزن‘ کے ہیرو نے جوئی لارا نے اپنا آغاز بطور ماڈل کیا تھا لیکن پھر اپنی جاندار فنکارانہ صلاحیتوں کا لوہا بھی منوالیا۔
