اسلام آباد : ملک بھر میں ووٹرز کی تعداد 12 کروڑ 83 لاکھ سے زائد ہو گئی ، حالیہ انتخابی فہرستوں میں 15 لاکھ کے قریب نئے ووٹر رجسٹرہوئے۔
تفصیلات کے مطابق الیکشن کمیشن کی جانب سے عام انتخابات کے حوالے سے حتمی ووٹر فہرستیں تیار کرلی گئیں۔
ذرائع بتایا کہ ملک بھر میں ووٹرز کی تعداد 12 کروڑ 83 لاکھ سے زائد ہو گئی، حالیہ انتخابی فہرستوں میں 15 لاکھ کے قریب نئے ووٹررجسٹرہوئے۔
ذرائع کا کہنا تھا کہ 25 جولائی 2023 تک ووٹرز کی تعداد 12 کروڑ 69 لاکھ سے زائد تھی۔
گذشتہ روز الیکشن کمیشن کو حتمی ووٹر فہرستیں نادرا سے موصول ہوئی تھیں، چیف الیکشن کمشنر کے مطابق بغیرتصاویر کے ووٹرفہرستیں موصول ہوئیں۔
الیکشن کمیشن نے 90 فیصد اضلاع میں ووٹر فہرستیں مہیا کر دی ہیں جب کہ الیکشن کمیشن دیگر اضلاع میں کل تک فہرستیں پہنچا دے گا۔
ذرائع کے مطابق نادرا یکم جنوری تک ووٹرز کی تصاویر والی فہرستیں الیکشن کمیشن کو دے گا تصاویر والی ووٹر فہرستیں صرف الیکشن حکام کےپاس موجودرہیں، اسی طرح امیدواروں اور پولنگ ایجنٹس کو بغیر تصاویر والی فہرست دی جائے گی۔
