لندن : سابق نااہل وزیر اعظم اور مسلم لیگ ن کے صدر نواز شریف نے کہا ہے کہ ختم نبوتﷺ کا معاملہ ہمارےآئین کا اٹوٹ حصہ بن کر اب ہمیشہ کے لیے طے ہوچکا ہے، ملک میں اقلیتوں کو جان و مال سمیت بنیادی حقوق کا مکمل تحفظ حاصل ہے۔
ان خیالات کا اظہار انہوں نے لندن میں میڈیا سے گفتگو کرتے ہوئے کیا، نواز شریف نے کہا کہ ختم نبوتﷺ پر مکمل اورغیر متزلزل ایمان جزو اسلام ہے۔
نوازشریف کا کہنا تھا کہ پاکستان میں اقلیتوں کو تمام حقوق آئین واسلامی تعلیمات کےمطابق حاصل ہیں، اس معاملے پرمنفی اظہارخیال ن لیگ نظریے اور اس کی پالیسی سےتعلق نہیں رکھتا، ہم نے مذہب اور عقیدے کی تفریق کے بغیر اقلیتوں کے حقوق کو یقینی بنایا، مذہبی اور سماجی آزادی سے انحراف کا تصور بھی نہیں کیا جاسکتا۔
ان کا کہنا تھا کہ پاکستان کےعوام نے مجھےتین بار ملک کا وزیراعظم منتخب کیا، تینوں بار زبان اور رنگ ونسل کی تفریق کے بغیرعوام کی خدمت کی، مسلم لیگ ن کو بانی پاکستان کی جماعت ہونے کا اعزازحاصل ہے۔
مزید پڑھیں: نواز شریف کی پارٹی صدارت اور الیکشن ایکٹ کے خلاف عبوری حکم نامہ جاری
بابائے قوم نے پاکستان کے تمام طبقوں کو مذہبی و سماجی آزادی کی ضمانت دی تھی ،مذہبی اور سماجی آزادی کو یقینی بنانا اب ایک آئینی تقاضہ ہے۔
