پشاور: خیبر پختونخوا کے مشیر خزانہ مزمل اسلم نے آنے والے دنوں میں مہنگائی کے زبردست طوفان کا خدشہ ظاہر کر دیا ہے۔
مزمل اسلم نے کہا کہ حکومتی دعوؤں کے برعکس مہنگائی تھمنے کا نام نہیں لے رہی ہے، آنے والے دنوں میں مہنگائی کا بہت بڑا طوفان آتا ہوا دکھائی دے رہا ہے۔
مشیر خزانہ کے پی کا کہنا تھا کہ پاکستان ایک نیا آئی ایم ایف پروگرام کرنے جا رہا ہے، چوری شدہ مینڈیٹ پر مبنی حکومت نے پہلے بھی غلط فیصلے کیے ہیں، اب بھی جذبات میں ایسے فیصلے نہ کر بیٹھے جس کا خمیازہ عوام کو بھگتنا پڑے۔
پی ٹی آئی کا میمو گیٹ، الیکشن انکوائری کمیشن کے طرز پر کمیشن بنانے کا مطالبہ
مزمل اسلم نے کہا پاکستان اس وقت 76 سالہ بد ترین مہنگائی کے دور سے گزر رہا ہے، اس مہنگائی سے عام آدمی تو دور مڈل کلاس طبقے کی بھی کمر ٹوٹ چکی ہے، ادارہ شماریات کے مطابق اس ہفتے بھی 29 فی صد مہنگائی رہی، سیلز ٹیکس میں 18 فی صد اضافے کی ڈیمانڈ ہے جو پی ٹی آئی دور میں صفر رہا۔
