تازہ ترین

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی آئی اے کی نجکاری بہتراندازسے آگے بڑھ رہی ہے، جون تک پی آئی اے کی نجکاری کا عمل مکمل کرلیا جائے گا۔

تفصیلات کے مطابق وفاقی وزیر خزانہ محمد اورنگزیب نے اسٹاک ایکسچینج میں تقریب سے خطاب کرتے ہوئے کہا کہ ہے کہنگراں حکومت خاص طور پر ڈاکٹر شمشاد اختر نے بہترین کارکردگی کا مظاہرہ کیا۔

محمد اورنگزیب کا کہنا تھا کہ ایف بی آر کاٹریکنگ سسٹم بہتر بنانے کے لیے کام کر رہے ہیں، ایف بی آرمیں ڈیجیٹلائزیشن کوبہتربنانےکی ضرورت ہےجس پرکام کر رہے ہیں، محصولات میں اضافہ ہوگا۔

وفاقی وزیر خزانہ نے کہا کہ پرائیویٹائزیشن کے حوالے سے پی آئی اےپر کام تیزی سے جاری ہے، علیم خان اکیلےیہ کام نہیں کر سکتے کافی اور ادارے شامل ہوتے ہیں، اس حوالے سے ہفتوں میں نہیں دنوں میں کام ہو رہا ہے، جون تک پی آئی اے کی نجکاری کا عمل مکمل کرلیا جائے گا۔

انھوں نے کہا کہ خوشی ہے ایسے ہفتے میں اسٹاک مارکیٹ آیا جب نئے ریکارڈ بن رہے ہیں ، فرخ خان نےچائنیزپارٹنرزکے ساتھ ملکراسٹاک کونئی بلندیوں تک پہنچایا اور ڈاکٹر شمشاد اختر بھی مبارک باد کی مستحق ہیں۔

محمد اورنگزیب نے بتایا کہ رواں مالی سال کے حالات گزشتہ سال سے بہت بہتر ہیں ، ایکسچینج ریٹ،مہنگائی کی شرح میں کمی سمیت دیگرمعاملات بہتر ہوئے ہیں ، نگراں حکومت نے بہترین طریقے سے ملکی معاشی صورتحال کو سنبھالا دیا ، مستحکم ہونےوالی معیشت کو طویل عرصے کے پلان کے ساتھ آگے بڑھانا ہے۔

وفاقی وزیر خزانہ کا کہنا تھا کہ آئی ایم ایف سےاگلے طویل معاہدےپر14اور15اپریل کو بات چیت ہوگی، گزشتہ معاہدےکوکامیابی کے ساتھ آئی ایم ایف کے ساتھ مکمل کیا۔

انھوں نے مزید کہا کہ پی ایس ایکس میں اس وقت سرمایہ کاری بہت چھوٹی ہے، اسٹاک مارکیٹ میں اس وقت لسٹڈکمپنیوں کی تعداد 524 ہے، مارکیٹ میں سرمایہ کاری بڑھانے اور کمپنیوں کو لانے کی ضرورت ہے،محمد اورنگزیب

سی پیک کے حوالے سے محمد اورنگزیب کا کہنا تھا کہ سی پیک فیز 2پر فوری کام کرنے کی ضرورت ہے، فیز ون کے تحت چین سے کاروبار منتقل کیا جائے گا۔

Comments

- Advertisement -