اسلام آباد : آئندہ مالی سال کا وفاقی بجٹ جون کے پہلے ہفتے میں پیش کرنے کی تجویز سامنے آگئی ، دستاویزات کو مئی 2025 کے آخر تک حتمی شکل دی جائے گی۔
وفاقی وزارت خزانہ نے نئے مالی سال کا بجٹ شیڈول تیار کرلیا ، جس کے تحت آئندہ مالی سال کا وفاقی بجٹ جون کے پہلے ہفتے میں پیش کرنے کی تجویز ہے۔
تمام بجٹ دستاویزات کو مئی 2025 کے آخر تک حتمی شکل دینے کی تجویز دی گئی جبکہ قومی اقتصادی کونسل کا اجلاس مئی کے دوسرے ہفتے میں منعقد کرنےکی تجویز ہے۔
- Advertisement -
سالانہ منصوبہ بندی رابطہ کمیٹی کااجلاس مئی کے پہلے ہفتے میں کرنے اور بجٹ اسٹریٹیجی پیپر 18 اپریل 2025 تک منظور کرانے کی تجویز دی ہے۔
شیڈول میں بجٹ جائزہ کمیٹی کےاجلاس 11 فروری سے 28 فروری کو منعقد کرنے اور فارن ایکسچینج کے لیے بجٹ کا تخمینہ 7 مئی تک جمع کرانے کی تجویز دی گئی ہے ۔
