ممبئی: بالی وڈ اداکار کے کنگ شاہ رخ خان کی اہلیہ گوری خان کے خلاف جائیداد کی خریداری کے سلسلے میں ایف آئی آر درج کر لی گئی ہے۔
بھارتی میڈیا کے مطابق گوری کے خلاف تعزیرات ہند کی دفعہ 409 (مجرمانہ اعتماد کی خلاف ورزی) کے تحت مقدمہ درج کیا گیا ہے۔
ممبئی کے رہائشی جسونت شاہ نے گوری خان کے خلاف مقدمہ درج کرایا جس میں انہوں نے الزام عائد کیا کہ جس کمپنی کی گوری خان برانڈ ایمبیسیڈر ہیں اس نے 86 لاکھ روپے وصول کرنے کے باوجود فلیٹ کا قبضہ سینے میں ناکام رہی ہے۔
جسونت شاہ نے گوری خان کے علاوہ تلسیانی کنسٹرکشن اینڈ ڈیولپمنٹ لمیٹڈ کے چیف منیجنگ ڈائریکٹر انیل کمار تلسیانی اور اس کے ڈائریکٹر مہیش تلسیانی کے خلاف بھی شکایت درج کرائی گئی ہے۔
شکایت کنندہ نے کہا کہ اس نے یہ فلیٹ برانڈ ایمبیسیڈر گوری خان سے متاثر ہو کر خریدا تھا۔
