لاہور: وزیر اعلیٰ پنجاب سردار عثمان بزدار کی معاون خصوصی برائے اطلاعات ڈاکٹر فردوس عاشق اعوان نے ایک بار پھر اپنی توپوں کا رخ مریم نواز کی جانب کردیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں فردوس عاشق اعوان نے کہا کہ راجکماری دلیر آدمی کی بیٹی ہےجو مشکل پر دم دبا کربھاگ جاتا ہے، لاڈلی بتائے مودی کو گھربلا کرپگڑیاں پہنانے والا واپس کب آرہا ہے؟، راجکماری کرپشن کےگاڈ فادر کو بیچارہ اور معصوم پیش کرتی ہیں۔
وزیر اعلیٰ پنجاب کی معاون خصوصی برائے اطلاعات نے کہا کہ پانامہ رانی اتنا ذکر اپنے ابا جی کا نہیں کرتی جتنا عمران خان کا، پانامہ رانی کا ذکر واضح کرتا ہے کہ کون کس کے اعصاب پر سوار ہے، جھوٹوں کی راجکماری کو جھوٹی قسمیں اٹھانے پر شرم آنی چاہئے،لیکن کہاں؟۔
فردوس عاشق اعوان کا اپنے ٹوئٹر بیان میں مزید کہنا تھا کہ راجکماری دل پشوری کرنےکیلئے کشمیر میں تن، من اور دھن سے انتخابی مہم کرے، نتائج گلگت بلتستان سے مختلف نہیں ہوں گے۔
راجکماری اُس 'دلیر آدمی' کی بیٹی ہے جو مشکل وقت آنے پر دُم دبا کر بھاگ جاتاھے! لاڈلی بتائے کہ مودی کو گھر بلا کر پگڑیاں پہنانے والا ظلِ سبحانی واپس کب آرہا ہے؟ پانامہ رانی اتنا ذکر اپنے ابا جی کا نہیں کرتی جتنا وزیراعظم عمران خان کا؛ جو واضح کرتا ہے کہ کون کس کے اعصاب پر سوار ہے۔
— Dr. Firdous Ashiq Awan (@Dr_FirdousPTI) December 31, 2020
کرپشن کے گاڈ فادر کو بیچارہ، معصوم پیش کرنے کیلئے جھوٹوں کی راجکماری کو جھوٹی قسمیں اٹھانے پر شرم آنی چاہئے۔ "لیکن کہاں۔۔"
شکست خوردہ کاذبین کی راجکماری دل پشوری کرنے کیلئے کشمیر میں تن، من، دھن سے کمپین کرے نتائج گلگت بلتستان سے مختلف نہیں ہوں گے۔— Dr. Firdous Ashiq Awan (@Dr_FirdousPTI) December 31, 2020
گذشتہ روز اپنے بیان میں فردوس عاشق اعوان کا کہنا تھا کہ پی ڈی ایم کا غیر فطری اتحاد طبعی موت مرچکا ہے، شہزادے کے وار پر مولانا اور راجکماری کی سیاست آر پار ہوگئی ہے۔
ڈاکٹر فردوس عاشق اعوان کا کہنا تھا کہ کینزوں کی حالت قابل رحم ہوچکی ہے، پاکستان ڈیموکریٹک موؤمنٹ کا ٹولہ پرانی تنخواہ پر واپس آچکا، انہوں نے مزید کہا کہ وزیر اعظم عمران خان نے شاہی خاندانوں کی سیاست عوامی طاقت سے تہس نہس کردی، کرونا وائرس پر پوائنٹ اسکورنگ کرنے والی اپوزیشن کو بقا کے لالے پڑے ہیں۔
