سمبڑیال: معاونِ خصوصی برائے اطلاعات فردوس عاشق اعلان نے کہا ہے کہ اپوزیشن اقتدار میں آنے کے بعد ناکام رہی، قائد حزبِ اختلاف نے خود ساختہ مفروری اختیار کی ہوئی ہے، عمران خان چین میں پاکستانی عوام کا مقدمہ لڑ رہے ہیں۔
سمڑیال میں عوامی ریلی سے خطاب کرتے ہوئے معاونِ خصوصی برائے اطلاعات کا کہنا تھا کہ میرےبھائیوں آج اپوزیشن چینلز تک محدودہوگئی یہ اُن کی سب سے بڑی ناکامی ہے۔ انہوں نے سوال کیا کہ اپوزیشن لیڈرکہاں ہے؟شہباز شریف نے خودساختہ مفروری اختیارکی ہوئی ہے۔
اُن کا کہنا تھا کہ ایک بھائی پاکستان چھوڑکرچلاگیاہے،دوسراجانےکی کوشش کررہا ہے، عمران خان نےیہ عزت ڈاکٹرفردوس کو نہیں بلکہ سیالکوٹ کودی ہے، لوگوں کوریلیف دینا میری سیاست کامقصد ہے، عمران خان نے ہمیشہ لوگوں کو سہولتیں دیں۔
مزید پڑھیں: بلین ٹری پر اپوزیشن رپورٹ پولیو ڈرامے کی طرح ڈرامہ ہے ، فردوس عاشق اعوان
فردوس عاشق اعوان کا کہنا تھا کہ وزیراعظم پاکستان کےعوام کامقدمہ چین میں لڑرہےہیں، عمران خان سمجھتے ہیں کہ ہمارا مزدور مہنگائی کی چکی میں پس رہا ہے، آپ نے اپنے اتحاد سے وزیراعظم کو مضبوط کرنا ہے۔
معاونِ خصوصی برائے اطلاعات کا کہنا تھا کہ ماضی کی حکومتوں نےاس ملک کودیمک کی طرح چاٹا، فالودےوالاکروڑپتی بن جاتاہے اور جب کرپشن پر ہاتھ ڈالو تو دوسروں کو نصیحت کرنے والے خود میاں فصیحت بن جاتے ہیں۔ پی پی پر تنقید کرتے ہوئے اُن کا کہنا تھا کہ ایک ٹولےکوتھرکےاندربچوں کی اموات نظرنہیں آتیں۔
فردوس عاشق اعوان کا مزید کہنا تھا کہ آج ہم سیسہ پلائی دیوارکی طرح وزیراعظم کےساتھ کھڑےہیں، آپ لوگوں کےمسائل کےحل کے لیے آپ کی بہن آپ کا مقدمہ لڑےگی، سیالکوٹ ثابت کرے گا کہ عمران خان ہی واحد مقبول ترین لیڈر ہیں، ملک بھر میں عمران خان کے کھلاڑی کھیلتے نظر آرہے ہیں۔
یہ بھی پڑھیں: میاں صاحب کی بیماری کے ڈرامے کا کلائمکس آن پہنچا: فردوس عاشق اعوان
یاد رہے کہ معاونِ خصوصی کا حصہ بننے کے بعد فردوس عاشق اعوان پہلی بار اپنے حلقے میں پہنچیں جہاں عوام نے اُن کا شاندار استقبال کیا اور گل پاشی کی۔
