The news is by your side.

Advertisement

شاہد خاقان عدالت میں بے گناہی ثابت کریں، وزیر اعظم پر الزام تراشی بے بنیاد ہے: فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ  شاہد خاقان عدالت میں بے گناہی ثابت کریں، وزیر اعظم پر الزام تراشی بے بنیاد ہے۔

ان خیالات کا اظہار  انھوں نے میڈیا سے گفتگو کرتے ہوئے کیا. فردوس عاشق اعوان نے کہا کہ جو بھی نیب کا ملزم ہوتا ہے، گرفتاری سے بچنے کے لئے ضمانت کراتا ہے، البتہ شاہد خاقان عباسی نے ضمانت نہیں کرا رکھی تھی.

انھوں نے کہا کہ شاہد خاقان نے میاں صاحب کے ساتھ وفا نبھانے کی قسم کھائی تھی، وہ اب مکافات عمل سے گزر رہے ہیں، نیب کا بلاوا اور  نیب سے فرار دو الگ الگ چیزیں ہیں، نیب کسی کو بلاتا ہے، تو ضروری نہیں اس کی گرفتاری ہو.

انھوں نے کہا کہ شاہدخاقان عباسی نے نیب سے راہ فرار اختیار کر رکھا تھا، ن لیگ قیادت وزیراعظم عمران خان سے حسد اور بغض رکھتی ہے، وزیراعظم کا جرم صرف اتنا ہےکہ قانون پرعمل در آمد یقینی بنایا.

مزید پڑھیں: نیب نے سابق وزیر اعظم شاہد خاقان عباسی کو گرفتار کرلیا

پاکستان کا ہر شہری یکساں قانونی تقاضوں کے ماتحت ہے، قانون کوتابع رکھنے والے آج قانون کے تابع آرہے ہیں، قانون کو تابع رکھنے والوں کو صبر کا دامن نہیں چھوڑنا چاہیے.قانون کی عمل داری رنگ دکھاتی ہے، تو ان کے چہرے زرد ہوجاتے ہیں،۔

انھوں نے کہا کہ شاہد خاقان نے ضمانت قبل ازگرفتاری نہیں کرارکھی تھی، اب وہ چُوری کھانے والے مجنوں نہ بنیں، ثبوت لے کر عدالتوں میں جاکر اپنی بے گناہی کا ثبوت دیں.

Comments

یہ بھی پڑھیں