اسلام آباد: معاونِ خصوصی برائے اطلاعات فردوس عاشق اعوان نے کہا روڈ ٹو مکہ منصوبے میں شمولیت پرسعودی فرمانروااورولی عہد کا شکریہ ادا کرتے ہوئے کہا سعودی قیادت کا وزیراعظم پر اعتماد کا اظہار ہے ، حجاج کوحق لوٹانا عمران خان کی سیاسی بصیرت کا منہ بولتا ثبوت ہے۔
تفصیلات کے مطابق معاونِ خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں روڈ ٹو مکہ منصوبے میں شمولیت پر سعودی فرمانروااورولی عہد کا شکریہ ادا کیا اور کہا منصوبے میں پاکستان کی شمولیت سعودی قیادت کا وزیراعظم عمران خان پر اعتماد اور پاکستان کے عوام کے ساتھ اظہارِ یکجہتی کا اظہار ہے۔
روڈ ٹو مکہ منصوبے میں شمولیت پرسعودی فرمانروا اور ولی عہد کا شکریہ ادا کرتے ہیں۔اس منصوبے میں پاکستان کی شمولیت سعودی قیادت کا وزیراعظم عمران خان پر اعتماد اور پاکستان کے عوام کے ساتھ اظہارِ یکجہتی کا اظہار ہے۔
— Firdous Ashiq Awan (@Dr_FirdousPTI) July 6, 2019
فردوس عاشق اعوان کا کہنا تھا حجاج کوحق لوٹانا عمران خان کی سیاسی بصیرت کا منہ بولتا ثبوت ہے، حاجیوں کےفی کس اخراجات میں کمی سے عازمین کے لیےآسانیاں ہوں گی۔
حجاج کو ان کا حق لوٹانا عمران خان کی سیاسی بصیرت کا منہ بولتا ثبوت ہے۔ حاجیوں کےفی کس اخراجات میں کمی سے عازمین حج کے لئے آسانیاں پیدا ہوں گی۔
— Firdous Ashiq Awan (@Dr_FirdousPTI) July 6, 2019
ایک اور ٹوئٹ میں معاونِ خصوصی نے کہا احساس پروگرام کے تحت حقداروں کوحق لوٹانا وزیراعظم عمران خان کی محروم طبقات سے محبت، احساس اور عوام دوست پالیسی کا آئینہ دار ہے۔
احساس پروگرام کے تحت حقداروں کو بلاتفریق حق لوٹانا وزیراعظم عمران خان کی محروم طبقات سے محبت، احساس اور عوام دوست پالیسی کا آئینہ دار ہے۔
— Firdous Ashiq Awan (@Dr_FirdousPTI) July 6, 2019
یاد رہے گذشتہ روز وزیراعظم عمران خان نے روڈ ٹو مکہ پروجیکٹ کا باضابطہ افتتاح کیا تھا، روڈ ٹو مکہ پروجیکٹ پر عازمین حج نے مسرت کا اظہار کرتے ہوئے وزیر اعظم کو خراج تحسین پیش کیا۔
مزید پڑھیں : وزیر اعظم نے روڈ تو مکہ پروجیکٹ کا افتتاح کر دیا، عازمین حج کا اظہار مسرت
وزیر اعظم کو اسلام آباد انٹرنیشنل ایئرپورٹ پر پراجیکٹ سے متعلق بریفنگ دی گئی، اس موقع پر معاون خصوصی برائے اطلاعات فردوس عاشق اعوان سمیت دیگر اعلیٰ عہدے دار بھی موجود تھے۔
