اسلام آباد : معاون خصوصی برائے اطلاعات فردوس عاشق اعوان نے کہا ہے کہ بلاول صاحب! ہوش کے ناخن لیں اور ٹھنڈے دل و دماغ سے سوچیں بھٹو اب لاڑکانہ میں زندہ کیوں نہیں رہا؟
تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر بلاول بھٹو کی تقریر پر ردعمل کا اظہار کرتے ہوئے کہا بلاول صاحب!ہوش کےناخن لیں،اپنی کرپشن زدہ اداؤں پرغورکریں، ٹھنڈے دل ودماغ سے سوچیں بھٹو اب لاڑکانہ میں زندہ کیوں نہیں رہا ؟
بلاول صاحب! ہوش کے ناخن لیں اور اپنی کرپشن زدہ اداؤں پر غور کریں، ٹھنڈے دل و دماغ سے سوچیں کہ بھٹو اب لاڑکانہ میں زندہ کیوں نہیں رہا؟
— Firdous Ashiq Awan (@Dr_FirdousPTI) October 19, 2019
فردوس عاشق اعوان کا کہنا تھا کہ سرکاری وسائل سے جلسے عوام کے جذبات کی عکاسی نہیں کرتے، عوام نے ووٹ سے آپ کے اداروں کو نشانہ بنانے کے بیانیہ کو زمین بوس کیا۔
اپنی حکومت میں سرکاری وسائل کے بے دریغ استعمال سے کیے گئے جلسے عوام کے جذبات اور احساسات کی عکاسی نہیں کرتے، دو دن پہلے عوام نے اپنے ووٹ کی طاقت سے آپ کے اداروں کو نشانہ بنانے کے بیانیہ کو زمین بوس کیا۔
— Firdous Ashiq Awan (@Dr_FirdousPTI) October 19, 2019
معاون خصوصی نے مزید کہا کہ ہمارےادارےہمارافخر،دفاع اورسلامتی کےضامن ہیں، غیرذمہ دارانہ بیانات سےکن آقاؤں کی خوشنودی حاصل کر رہے ہیں؟ آپ کوملک کااحساس ہوتاتوغیرذمہ دارانہ بیانات کی فلم نہ چلاتے، آپ کو صرف ابو اور پھوپھو کی کرپشن بچانے کی فکر ہے۔
ہمارے ادارے ہمارا فخر، دفاع اور سلامتی کے ضامن ہیں۔پاکستان دشمنوں کے بیانیے سے مرعوب ہونے والے غیر ذمہ دارانہ بیانات سے کن آقاؤں کی خوشنودی حاصل کر رہے ہیں؟آپ کو ملک اور ریاست کا احساس ہوتا تو غیر ذمہ دارانہ بیانات کی فلم نہ چلاتے۔آپ کو صرف ابو اور پھوپھو کی کرپشن بچانے کی فکر ہے
— Firdous Ashiq Awan (@Dr_FirdousPTI) October 19, 2019
یاد رہے گذشتہ روز بلاول بھٹو نے جلسے سے خطاب کرتے ہوئے کہا تھا کب تک ووٹ کی چوری برداشت کرتے رہیں گے، یہ سوچ ہرمحب وطن پاکستانی کی ہے، ملک کو سیاسی بحران سے بچانےکا ابھی بھی وقت ہے، پارلیمان کو تالا لگ چکا ہے، سیاست سڑکوں پر آچکی ہے۔
