اسلام آباد :معاون خصوصی برائے اطلاعات فردوس عاشق اعوان نے کہا کہ عمران خان کی کال پر پوری قوم کا آدھےگھنٹے کا احتجاج عالمی میڈیا کی توجہ کا مرکز بن گیا، وزیراعظم کی خلوص نیت پر مبنی سفارتکاری رنگ لارہی ہے۔
تفصیلات کے مطابق معاون خصوصی برائے اطلاعات ونشریات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا سڑکوں پرآدھےگھنٹےکااحتجاج عالمی میڈیا کی توجہ کا مرکز بنا، وزیراعظم کی اپیل پراحتجاج نے عالمی توجہ حاصل کی، ان کے لیے سبق ہے، جنہوں نے قوم کے جذبات کا مذاق اڑایا۔
عمران خان کی کال پر پوری قوم کا شاہراہوں پر آدھے گھنٹے کیلئے احتجاج عالمی میڈیا کی توجہ کا مرکز بنا۔یہ ان سب کیلئے سبق ہے جنہوں نے قوم کے سچے جذبات کا مذاق اڑایا۔ pic.twitter.com/9cRIE3tBT5
— Firdous Ashiq Awan (@Dr_FirdousPTI) September 2, 2019
فردوس عاشق اعوان کا کہنا تھا کہ وزیراعظم کی خلوص نیت پر مبنی سفارتکاری رنگ لارہی ہے، مقبوضہ جموں کشمیر کے عوام کی قربانیاں بھی رنگ لارہی ہیں ، دنیاپاکستان کے ساتھ یک زبان ہو کر آواز بلند کر رہی ہے۔
وزیراعظم عمران خان کی خلوص نیت پر مبنی سفارتکاری اور مقبوضہ جموں کشمیر کے عوام کی لازوال قربانیاں پوری دنیا میں اپنا رنگ دکھا رہی ہے۔آج دنیا مظلوم کشمیریوں کے حق میں پاکستان کے ساتھ یک زبان ہو کر آواز بلند کر رہی ہے۔
— Firdous Ashiq Awan (@Dr_FirdousPTI) September 2, 2019
ایک اور ٹوئٹ میں معاون خصوصی نے کہا بھارت او آئی سی کی آواز اور نہ ہی سلامتی کونسل کا اجلاس رکوا سکا، یورپی پارلیمنٹ کے ایجنڈے پر مسئلہ کشمیرکا آنا کامیاب سفارتکاری ہے ، بھارتی مؤقف پوری دنیامیں پٹ چکاہےکہ کشمیر ان کا اندرونی معاملہ ہے۔
بھارت کوششوں کے باوجود نہ تو او آئی سی کی آواز خاموش کراسکا اور نہ ہی سلامتی کونسل کا اجلاس رکوا سکا۔یورپین پارلیمنٹ کے ایجنڈے پر مسئلہ کشمیر کا زیر بحث آنا ہماری کامیاب سفارتکاری کا عملی ثبوت ہے۔بھارتی مؤقف پوری دنیا میں پٹ چکا ہے کہ کشمیر ان کا اندرونی معاملہ ہے۔
— Firdous Ashiq Awan (@Dr_FirdousPTI) September 2, 2019
