The news is by your side.

Advertisement

وزیراعظم نے میڈیا صنعت سے جڑے چیلنجز سے نمٹنے کیلئے کمیٹی تشکیل دےدی

اسلام آباد : معاون خصوصی اطلاعات فردوس عاشق اعوان نے کہا ہے کہ وزیراعظم نےمیڈیاصنعت سےجڑےچیلنجز سے نمٹنےکیلئےکمیٹی تشکیل  دی ہے، میڈیا ورکرز اورمالکان کے مسائل کا تدارک کرنے جارہےہیں، پاکستان کو بدنام کرنیوالے کو اب کوئی سودا بیچنے کا موقع نہیں ملے گا۔

تفصیلات کے مطابق معاون خصوصی فردوس عاشق اعوان نے میڈیا سے گفتگو کرتے ہوئے کہا جان کر یہ تاثر دیا جارہاہے کہ صحافیوں کوآزادی اظہار رائے کا حق نہیں، پروپیگنڈا کیا جارہا ہے کہ پاکستان میں صحافیوں کو کام نہیں کرنے دیا جارہا، پاکستان میں اظہار رائے کو سلب کرنے کا پروپیگنڈا کیا جارہا ہے۔

فردوس عاشق اعوان کا کہنا تھا کہ اپوزیشن نے آزادی اظہاررائے سےمتعلق غلط بیانی کی ہے، پاکستان کا مثبت چہرہ دنیا میں اجاگرکرنے کیلئے اقدامات کر رہےہیں، معاشی اعدادوشمار کہہ رہےہیں پاکستانی معیشت میں بہتری آرہی ہے، عالمی سطح پر پاکستان کی معیشت میں بہتری کا اعتراف کیاجارہاہے۔

معاون خصوصی نے کہا کہ مگرمچھ کے آنسو بہانے والوں نے معیشت کی تباہی میں حصہ ڈالا، معیشت کو وینٹی لیٹر پر ڈالنےوالے اپنی صحت کیلئے پریشان ہیں ، اپنے علاج معالجےکیلئے عدالتوں سے ضمانتیں لیتے پھر رہےہیں۔

ان کا کہنا تھا کہ عالمی ادارے پاکستانی معیشت کے حوالے سے نوید سنارہےہیں، قومی مفاد پر ضرب لگانےوالےمخصوص سوچ کے حامی لوگ اپنے مفاد کا تحفظ چاہتے ہیں ، وزیراعظم نے میڈیا صنعت سے جڑے چیلنجزسے نمٹنے کیلئے کمیٹی تشکیل دی ہے، میڈیا معاملات حل کرنے کیلئے کمیٹی میں اسٹیک ہولڈرزشامل ہوں گے۔

فردوس عاشق اعوان نے کہا کمیٹی میں کمیٹی فوکل پرسن کا کردار ادا کروں گی اور پی بی اے ،اےپی این ایس کے نمائندے شامل ہوں گے ، میڈیا ورکرز اورمالکان کے مسائل کا تدارک کرنے جارہےہیں، کمیٹی میڈیا ورکرز اور مالکان میں خلیج کم کرنے میں معاون ثابت ہوگی۔

معاون خصوصی کا کہنا تھا کہ ہمیشہ ٹوئنٹی ٹوئنٹی کامیچ تھرلنگ ہوتا ہے ہماری کوشش ہے معاملات حل ہوں، پاکستان کو بدنام کرنیوالے کو اب کوئی سودا بیچنےکا موقع نہیں ملے گا، آزادی اظہار رائے پر قدغن کی بات کرنیوالوں کو بھی بلائیں گے،فردوس عاشق اعوان

انھوں نے مزید کہا پاکستان مخالف پروپیگنڈاکرنیوالوں کو بھی بلایاجائے گا، سوشل میڈیا پر پروپیگنڈا کرنیوالوں سے کمیٹی پوچھے گی کون سی آزادی چھینی گئی، امید ہے حکومت میڈیاکے ٹوئنٹی ٹوئنٹی میچ میں بہترنتائج نکلیں گے۔

فردوس عاشق اعوان کا کہنا تھا کہ وزیراعظم نے فیصلہ کیا ہےایک بار ہمیشہ کیلئے اس مسئلے کو حل کریں، میڈیا سےجڑے مستقبل کے چیلنجز سے نمٹنے کیلئے ایک کمیٹی تشکیل دی ، اس کمیٹی کے سربراہ وزیراعظم عمران خان خود ہوں گے۔

معاون خصوصی نے کہا پارلیمنٹ میں جو سوال ہوگااس کیساتھ حقائق سامنے رکھےجائیں گے، پارلیمنٹ میں ہر شخص کی تقریر ریکارڈ ہوتی ہے , پارلیمنٹ میں جھوٹ بولیں گےتواس کا تقدس پامال ہوتاہے۔

ان کا کہنا تھا کہ حسان نیازی کو گرفتارکرنےکیلئے چھاپے مارے گئے ، حفیظ اللہ نیازی کے صاحبزادہ قانون کے گرفت میں آئیں گے ,جو بویا ہے وہ کاٹنا پڑے گا، عمران خان نے یہی توکیاہے،قانون کو طاقتور بنایا ، اس قانون کی طاقت سے پاکستان کو طاقتور بنائیں گے۔

فردوس عاشق اعوان نے کہا جتنی بھی طلبا تنظیمیں ہیں وہ سیاسی لیڈرشپ کی نرسری ہے، یہاں سے جو پودے اگتے ہیں تناور درخت بن کر پھل دیتےہیں، وزیراعظم طلبا کی صلاحیتوں سے آگاہ ہیں۔

معاون خصوصی کا کہنا تھا کہ طلبا یونینز میں کرمنل ایلی منٹس کودورکریں گے ، طلبا کو ہتھیار سے لینا دینا نہیں ،ان کا ہتھیار قلم ہے ، طلبا کو جو پذیرائی قلم سے ملتی ہے وہ ہتھیار نہیں مل سکتی۔

Comments

comments

یہ بھی پڑھیں