لاہور : معاون خصوصی برائے اطلاعات پنجاب فردوس عاشق اعوان کا کہنا ہے کہ وزیراعظم کے ویژن ایفورڈایبل ہاؤسنگ کے تحت گھروں کی تعمیر کیلئے 133 مقامات کی نشاندہی کی جاچکی ، گھرکی قیمت 14 لاکھ30ہزارروپے اور ماہانہ قسط 10ہزارروپے ہوگی۔
تفصیلات کے مطابق معاون خصوصی برائے اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ اپنے گھرکا خواب آنکھوں میں سجائے افراد کے خوابوں کوعملی تعبیر دینے کی جانب قدم اٹھاتے ہوئے وزیراعظم کےویژن کے تحت گھروں کی تعمیرکیلئے133 مقامات کی نشاندہی کرلی گئی ہے ، ابتدائی طورپر32 مقامات پر ترجیحی بنیادوں پر کام شروع کیا جائے گا۔
اپنے گھر کا خواب آنکھوں میں سجائے افراد کے خوابوں کو عملی تعبیر دینے کی جانب بزدارحکومت کا اہم قدم؛
وزیراعظم عمران خان کے ویژن ایفورڈایبل ہاؤسنگ کے تحت گھروں کی تعمیر کیلئے 133 مقامات کی نشاندہی کی جاچکی۔ ابتدائی طور پر 32 مقامات پر ترجیحی بنیادوں پر کام شروع کیا جائے گا۔— Dr. Firdous Ashiq Awan (@Dr_FirdousPTI) May 4, 2021
فردوس عاشق اعوان کا کہنا تھا کہ عثمان بزدار نے منصوبے کیلئے 3ارب روپے فراہم کردیے، گھر کا رقبہ 3 سے بڑھا کر ساڑھے 3مرلےکیا گیا ہے، گھرکی قیمت 14 لاکھ30ہزارروپے اور ماہانہ قسط 10ہزارروپے ہوگی، قرعہ اندازی سےکامیاب خوش نصیبوں کو انکا اپنا گھرفراہم کیا جائے گا۔
وزیراعلی عثمان بزدار نے منصوبے کیلئے 3ارب روپے فراہم کردیئے۔ گھر کا رقبہ 3 سے بڑھا کر ساڑھے 3مرلہ کیا گیا ہے- عوام کو ریلیف دینے کیلئے گھر کی قیمت 14لاکھ 30ہزار روپے جبکہ ماہانہ قسط 10ہزار روپے ہوگی۔ قرعہ اندازی کے ذریعے کامیاب خوش نصیبوں کو انکا اپنا گھر فراہم کیا جائیگا۔
— Dr. Firdous Ashiq Awan (@Dr_FirdousPTI) May 4, 2021
معاون خصوصی نے مزید کہا کہ سرگودھامیں اس منصوبے پر کام جاری ہے، ڈی جی خان،خوشاب،میانوالی،لاہورسمیت10تحصیلوں میں جلدکام شروع ہوگا، وزیراعظم عمران خان عوام کوسستےگھرفراہم کرنے کا وعدہ وفا کررہے ہیں، عوام کا استحصال کرنے والے مخالفین اور ناقدین منہ چھپاتے پھر رہے ہیں۔
سرگودھا میں اس منصوبے پر کام جاری ہے۔ ڈیرہ غازی خان، خوشاب، میانوالی، لاہور، خانیوال سمیت 10 تحصیلوں میں بہت جلد کام کا آغاز ہو رہا ہے۔ وزیراعظم عمران خان عوام کو سستے گھر فراہم کرنے کا وعدہ وفا کررہے ہیں جبکہ عوام کا استحصال کرنے والے مخالفین اور ناقدین منہ چھپاتے پھر رہے ہیں۔
— Dr. Firdous Ashiq Awan (@Dr_FirdousPTI) May 4, 2021
