The news is by your side.

Advertisement

سوئس حکام پاکستانی شہریوں کا ڈیٹا دینے کے پابند ہیں ، فردوس عاشق اعوان

عجب کہانی ہےکہ جو طبی بنیادوں پرضمانت لیتاہے اور گھرپہنچ کرشفاپالیتا ہیں

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ سوئس حکام پاکستانی شہریوں کا ڈیٹا دینےکےپابند ہیں ، یہ مثبت پیشرفت ہے، باہرسے پیسہ واپس لایا جاسکے گا، عجب کہانی ہےکہ جو طبی بنیادوں پرضمانت لیتاہے اور گھرپہنچ کرشفاپالیتا ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے اے آر وائی نیوز کے پروگرام باخبر سویرا میں گفتگو کرتے ہوئے کہا سوئس حکومت کے ساتھ گزشتہ برس معاہدہ ہوا، معاہدے کے تحت انفارمیشن لی جاسکتی تھی ، سوئس حکام پاکستانی شہریوں کا ڈیٹا دینے کے پابند ہیں ، یہ مثبت پیشرفت ہے، باہرسے پیسہ واپس لایا جاسکے گا۔

فردوس عاشق اعوان کا کہنا تھا کہ سابق حکومتوں کوایسےمعاہدےمیں دلچسپی نہیں تھی، سابق حکمرانوں سےمتعلق انفارمیشن ملی توقانونی کارروائی ہوگی، قوم کے پیسوں کو لوٹ کر بیرون ملک لے جایا گیا۔

مزید پڑھیں : بڑی کامیابی ، سوئس حکومت پاکستانیوں کے اکاونٹس کی معلومات دینے کے لئے تیار

معاون خصوصی نے کہا عجب کہانی ہےکہ جو بیمار ہوتا ہے، طبی بنیادوں پر ضمانت لیتا ہے اور گھر پہنچ کر شفا پالیتا ہیں، عدالت نے آصف زرداری کورہائی طبی بنیادوں پر دی، عدالت سےریلیف لینےکےبعدگھرکوشفاخانہ بناناسوالیہ نشان ہے۔

ان کا مزید کہنا تھا کہ شیر کے شکاری ایک ہی ڈربے میں پانی پیتے رہے، شیر کے شکار کرنیوالے دونوں ہی کھلاڑی کے ہاتھوں شکارہوگئے، بلاول کوپتہ ہوناچاہیے،جوطبی بنیادوں پرضمانت لیتےہیں وہ بیماراورلاغر ہوتےہیں،شکارکےقابل نہیں رہتے۔

یاد رہے سوئس حکومت کی پاکستان کوبینکس میں موجودرقم کی معلومات دینےکی منظوری دی تھی ، معلومات فراہم کرنےکی منظوری سوئس پارلیمنٹ نےدی، سوئس بینکوں میں31لاکھ غیرملکیوں کےاکاونٹس ہیں۔

Comments

یہ بھی پڑھیں