The news is by your side.

Advertisement

حقِ وراثت کا تعین ، آرڈیننس 6 دسمبر سے نافذ ہوگا

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ وزیراعظم لیٹرآف ایڈمنسٹریشن اینڈ سکسیشن سرٹیفکیٹس آرڈیننس2019کا چھ دسمبرکو باقاعدہ نفاذ کرنے جارہے ہیں، یہ قانون ملکی تاریخ میں حق وراثت کے تعین میں سنگِ میل ہے ، ملک اور باہر بسنے والے پاکستانی استفادہ کریں گے۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا انفورسمنٹ وومن پراپرٹی آرڈیننس ترمیم کی کابینہ سے توثیق وزیراعظم کے خواتین کو بااختیار اور جائیدادمیں حصہ داربنانے کے عزم کی طرف ایک قدم ہے، خواتین کو طاقتور اور فعال کردار یقینی بنانا نئے پاکستان کا مشن ہے۔

خواتین کو بااختیار بنانے کی جانب اہم پیشرفت ہے، ایڈمنسٹریشن اینڈ سکسیشن سرٹیفکیٹس آرڈیننس 6دسمبر سے نافذ ہوگا ، قانون ملکی تاریخ میں حق وراثت کے تعین میں سنگ میل ہے، دہائیوں سے زیر سماعت مقدمات دنوں میں نمٹیں گے۔

معاون خصوصی نے مزید کہا کہ ملک اور باہر بسنے والے پاکستانی استفادہ کریں گے۔

Comments

یہ بھی پڑھیں