اسلام آباد: معاون خصوصی برائے اطلاعات فردوس عاشق اعوان کا کہنا ہے کہ پاکستان کرتار پور راہداری منصوبے کی تکمیل کے لیے پرعزم ہے۔
تفصیلات کے مطابق معاون خصوصی برائے اطلاعات فردوس عاشق اعوان نے ٹویٹر پر اپنے پیغام میں کہا کہ کرتارپورسکھ برادری کے لیے مقدس مقام ہے، سکھ برادری کے مذہبی جذبات کا تہہ دل سے احترام ہے۔
فردوس عاشق اعوان نے کہا کہ پاکستان کرتار پور راہداری منصوبے کی تکمیل کے لیے پرعزم ہے، کرتارپور راہداری بین المذاہب ہم آہنگی کی بہترین مثال ہے۔
کرتارپور سکھ برادری کے لئے مقدس مقام ہے۔ سکھ برادری کے مذہبی جذبات کا ہمیں تہہ دل سے احترام ہے۔ پاکستان دنیا بھر اور بھارت سے آنے والے سکھ یاتریوں کیلئے کرتار پور راہداری منصوبے کی تکمیل کیلئے پرعزم ہے تاکہ وہ اپنی مذہبی رسومات پوری آزادی اور سہولت سے ادا کر سکیں۔
— Dr. Firdous Ashiq Awan (@Dr_FirdousPTI) August 25, 2019
انہوں نے کہا کہ کرتارپور راہداری احترام اور برداشت کا پیغام دے رہی ہے، راہداری کا منصوبہ مختلف عقائد میں ہم آہنگی کے فروغ کا سبب بنے گا۔
کرتارپور راہداری بین المذاہب ہم آہنگی کی دنیا میں ایک بہترین مثال ہے۔ انتہا پسندی اور عدم برداشت کے بڑھتے رجحانات اور واقعات میں کرتار پور دنیا کو انسانیت اور اختلاف رائے کے احترام اور برداشت کا پیغام دے رہا ہے۔
— Dr. Firdous Ashiq Awan (@Dr_FirdousPTI) August 25, 2019
معاون خصوصی برائے اطلاعات نے کہا کہ قومی پرچم میں سفید رنگ اتنا ہی عزیز ہے جتنا سبز رنگ ہے، پاکستان اوردنیا بھرمیں اقلیتوں کےحقوق کے لیے وزیراعظم پرعزم ہیں۔
ہم یقین رکھتے ہیں کہ کرتارپور راہداری کایہ منصوبہ مختلف عقائد اور تہذیبوں کے مابین ہم آہنگی کے فروغ کا بھی باعث بنے گا۔ہمیں پاکستان کے پرچم میں سفید رنگ اتنا ہی عزیز ہے جتنا سبز رنگ۔ پاکستان اور دنیا بھر میں اقلیتوں کے حقوق کے لیے وزیراعظم پاکستان عمران خان پر عزم ہیں۔۔۔
— Dr. Firdous Ashiq Awan (@Dr_FirdousPTI) August 25, 2019
کرتارپور راہداری کا افتتاح 11 نومبر کو پر وقار تقریب میں کیا جائے گا، ذرائع
واضح رہے کہ مقبوضہ کشمیرمیں بھارتی مظالم پر پاکستان کا امن پسندی اور بڑے دل کا مظاہرہ کرتے ہوئے کہا ہے کہ کرتار پور راہداری پر جاری کام آخری مراحل میں داخل ہوگیا ہے ، کرتارپورراہداری پرجاری کام 31 اگست تک مکمل کرلیا جائے گا۔
ذرائع کا کہنا ہے کہ دفترخارجہ نے کرتارپورکھولنے سے متعلق اپنا ہوم ورک تیزکردیا، کرتارپورراہداری کا افتتاح11 نومبرکو پروقارتقریب میں کیا جائے گا ، تقریب سکھ برادری کے بانی باباگرونانک کی سالگرہ سے متعلق ہوگی۔
