اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ مودی اپنے سیاہ اقدام سے مذموم عزائم کی تکمیل چاہتا ہے۔
تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے اپنے پیغام میں کہا کہ سلامتی کونسل کا اجلاس بھارت کے اندرونی معاملے کے دعوے پرضرب ہے۔
تنازعہ کشمیر پر سلامتی کونسل کا اجلاس بھارت کے اس دعوے پر کاری ضرب ہے کہ کشمیر ان کا اندرونی معاملہ ہے۔
— Firdous Ashiq Awan (@Dr_FirdousPTI) August 15, 2019
معاون خصوصی برائے اطلاعات ونشریات نے کہا کہ وزیراعظم کی قیادت میں پاکستان ہر فورم پر مظلوم کشمیریوں کی وکالت کرے گا، وکالت تنازعہ یواین قراردادوں اورکشمیریوں کی رائے کے مطابق حل کے لیے ہوگی۔
عمران خان کی قیادت میں پاکستان ہر فورم پر مظلوم کشمیریوں کی وکالت کرے گا تا کہ بھارت کو مجبور کیا سکے کہ تنازعہ کشمیر کو اقوام متحدہ کی قراردادوں اور کشمیری عوام کی امنگوں کے مطابق حل کا جاسکے۔
— Firdous Ashiq Awan (@Dr_FirdousPTI) August 15, 2019
ڈاکٹر فردوس عاشق اعوان نے کہا کہ ہٹلر نے ایک نسل کو اپنے ظلم اور بربریت کی بھینٹ چڑھایا، خاکم بدہن مودی اسی طرح کشمیریوں کی نسل کشی کرنا چاہتا ہے۔
ہٹلر نے ایک نسل کو جس طرح اپنے ظلم اور بربریت کی بھینٹ چڑھایا،خاکم بدہن مودی اسی طرح کشمیریوں کی نسل کشی کرنا چاہتا ہے۔مودی اپنے سیاہ اقدام سے ان عزائم کی تکمیل چاہتا ہے جس کا آغاز اس نے گجرات میں مسلمانوں کے قتل عام سے کیا۔
— Firdous Ashiq Awan (@Dr_FirdousPTI) August 15, 2019
انہوں نے کہا کہ مودی اپنے سیاہ اقدام سے مذموم عزائم کی تکمیل چاہتا ہے، مذموم عزائم کا آغاز مودی نے گجرات میں مسلمانوں کے قتل عام سے کیا۔
واضح رہے کہ بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں گیارویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔
مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔
