The news is by your side.

Advertisement

اس وقت ہم کسی سے لڑنا نہیں چاہتے، فردوس عاشق

 سیالکوٹ : سابق وزیر اطلاعات ڈآکٹر فردوس عاشق اعوان نے کہا ہے کہ پی ٹی آئی سے بہتر نہ کوئی جھگڑ سکتا اور نہ لڑسکتا ہے لیکن اس وقت ہم کسی سے لڑنا نہیں چاہتے۔

سیالکوٹ میں میڈیا سے گفتگو کرتے ہوئے انہوں نے کہا کہ اصل بات پی ٹی آئی کے کارکنان کو لے کر چلنا ہے، پاکستان کے نظریے اورعوام کی جدوجہد ہے۔

فردوس عاشق کا کہنا تھا کہ ہماری جنگ پاکستان کے مخالفین سے ہے، انتظامیہ کو کہتی ہوں کہ وہ بھی تعاون کریں، یہ عوام کے حقوق کی جدوجہد ہے۔

انہوں نے کہا کہ محافظوں کے ساتھ کوئی جنگ نہیں ہے، اگر کارکنان کو پریشان کیا جائے گا توان کو پرامن رکھنا اور قابو پانا مشکل ہوجائے گا۔

سابق وزیر نے کہا کہ کارکنوں سے بھی کہتی ہوں انتظامیہ سے تعاون کریں، چیک پوسٹ پر شناخت مانگی جائے توشناخت ضرور دیں، ڈی پی او کے حکم پر ہمارے رہنماؤں کی گرفتاریاں کی گئیں۔

انہوں نے کہا کہ کارکنوں کو جس کی ایما پر گرفتار کیا گیا اس کی منجھی ٹھوکنے کا وقت آگیا ہے، مریم نواز نے کارروائی پر ڈی پی او کو شاباشی دی جو ان کی ذاتی خواہش پوری کرنے پر دی گئی ہے۔

Comments

یہ بھی پڑھیں