اسلام آباد: معاون خصوصی برائے اطلاعات و نشریات فردوس عاشق اعوان کا کہنا ہے کہ ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں، لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں۔
تفصیلات کے مطابق معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ حکومت اب تک عوام کو پیٹرولیم مصنوعات میں ریلیف دینے اور ان کی زائد قیمتوں کے بوجھ کے اثرات سے بچانے کے لیے 60 ارب روپے سے زائد کی سبسڈی دے چکی ہے۔
حکومت اب تک عوام کو پیٹرولیم مصنوعات میں ریلف دینے اور انکی زائد قیمتوں کے بوجھ کے اثرات سے بچانے کیلئے 60 ارب روپے سے زائد کی سبسڈی دے چکی ہے۔ قومی خزانہ بے رحمی سے لوٹنے والے پیٹرولیم مصنوعات کی قیمتوں پر مگر مچھ کے آنسو بہا رہے ہیں۔
— Firdous Ashiq Awan (@Dr_FirdousPTI) June 1, 2019
معاون خصوصی کا کہنا تھا کہ قومی خزانہ بے رحمی سے لوٹنے والے پیٹرولیم مصنوعات کی قیمتوں پر مگر مچھ کے آنسو بہا رہے ہیں۔ لاکرز، لانچیں، گھر، پاپڑ، ریڑھی اور فالودے والوں کے اکاؤنٹس نہ بھرے جاتے تو آج ملکی معیشت مستحکم ہوتی۔
انہوں نے کہا کہ ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں۔
لاکرز، لانچیں، گھر، پاپڑ، ریڑھی اور فالودے والوں کے اکاؤنٹس نہ بھرے جاتے تو آج ملکی معیشت مستحکم ہوتی۔ ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں۔
— Firdous Ashiq Awan (@Dr_FirdousPTI) June 1, 2019
اپنے ٹویٹ میں انہوں نے مزید کہا کہ لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں۔ انہوں نے مال کمایا، قوم اور معیشت نے ان سے صرف نقصان اٹھایا۔
لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں۔ انہوں نے مال کمایا قوم اور معیشت نے ان سے صرف نقصان اٹھایا۔
— Firdous Ashiq Awan (@Dr_FirdousPTI) June 1, 2019
اس سے قبل ایک ٹویٹ میں معاون خصوصی کا کہنا تھا کہ مریم صفدر کا ناشائستہ لب و لہجہ ان کی بڑھتی ہوئی فرسٹریشن کا اظہار ہے، وہ خوفزدہ ہیں کہ عمران خان کی کامیابی سے ملک منافع بخش ہوگا۔
