The news is by your side.

Advertisement

پھر سے لاک ڈاؤن کے متحمل نہیں ہوسکتے: فردوس عاشق اعوان

لاہور: وزیر اعلیٰ پنجاب سردار عثمان بزدار کی معاون خصوصی فردوس عاشق اعوان کا کہنا ہے کہ ملک اور عوام پھر سے لاک ڈاؤن جیسی پابندیوں کے متحمل نہیں ہوسکتے، کرونا وائرس کی چوتھی لہر سے بچاؤ کے لیے عوام کو پہلے سے زیادہ احتیاط برتنا ہوگی۔

تفصیلات کے مطابق وزیر اعلیٰ پنجاب سردار عثمان بزدار کی معاون خصوصی فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ کرونا وائرس کی چوتھی لہر سے بچاؤ کے لیے عوام کو پہلے سے زیادہ احتیاط برتنا ہوگی۔

معاون خصوصی کا کہنا تھا کہ این سی او سی کی گائیڈ لائنز پر ہر صورت عملدر آمد کیا جائے گا۔ کرونا سے محفوظ رہنے میں ہر شہری کو ذمہ دارانہ کردار ادا کرنا ہے، کرونا ایس او پیز کی پاسداری اور ماسک کا استعمال انتہائی ضروری ہے۔

انہوں نے کہا کہ کرونا وائرس کا خطرہ ابھی ٹلا نہیں ہے، احتیاط کا راستہ ہی ہمیں کرونا وائرس کی چوتھی لہر سے محفوظ رکھ سکتا ہے۔

معاون خصوصی کا مزید کہنا تھا کہ بے احتیاطی اور ایس او پیز کی خلاف ورزی سے کیسز میں پھر سے اضافہ ہوگا، ملک اور عوام پھر سے لاک ڈاؤن جیسی پابندیوں کے متحمل نہیں ہوسکتے۔ پابندیوں سے بچنے کے لیے شہری احتیاط کا دامن مت چھوڑیں۔

Comments

یہ بھی پڑھیں