The news is by your side.

Advertisement

بھارتی فضائیہ کے دفترمیں آگ بھڑک اٹھی

نئی دہلی: بھارت کی ایک کثیر المنزلہ عمارت میں آگ بھڑک اٹھی ہے بتایا جارہا ہے کہ اس عمارت میں بھارتی ایئرفور س سمیت کئی اہم حکومتی دفاتر قائم ہیں۔

تفصیلات کے مطابق سی جی او کمپلکس میں واقع پنڈت دین بھون کی عمارت کے پانچویں فلور پر شدید آگ بھڑک رہی ہے اور اس کے شعلے دو ر دور سے دیکھے جاسکتے ہیں۔

بھارتی میڈیا کے مطابق اس عمارت میں انڈین ایئرفورس کا برانچ آفس قائم ہے ، ساتھ ہی ساتھ یہاں وزارت برائے پانی اور سیورج، وزارتِ جنگلات ،وزارت برائے سماجی انصاف اور نیشنل ڈیزاسٹر رسپانس فورس کے دفاتر بھی قائم ہیں۔ اس عمارت کو سنہ 2016 سے پریاورن بھون کے نام سے بھی پکارا جاتا ہے۔

ذرائع کا بتانا ہے کہ آگ اس قدر شدید ہے کہ اسے بجھانے کے لیے 24 فائر ٹینڈرز اپنی کارروائی میں مسلسل مشغول ہیں۔ کہا جارہا ہے کہ آگ اب قابو میں آگئی ہے۔ بتایا جارہا ہے کہ آگ وزارتِ سماجی انصاف کے دفتر سے شروع ہوئی اور دیکھتے ہی دیکھتے اس نے پوری منزل کو اپنی لپیٹ میں لے لیا۔

واقعے میں ایک سیکیورٹی افسر زخمی ہوا ہے جسے اسپتال منتقل کردیا گیا ہے۔ فائر ڈیپارٹمنٹ کے مطابق انہیں آگ لگنے کا الرٹ مقامی وقت کے مطاقب صبح 8:30 پر موصول ہوا۔

یہ عمارت لودھی روڈ نامی انتہائی مصروف سڑک پر واقع ہے اور اسے اہم سرکاری عمارات کا درجہ حاصل ہے۔ یاد رہے کہ کچھ روز قبل کورل باغ کےعلاقے میں ایک ہوٹل میں بھی ہولناک آگ بھڑک اٹھی تھی جس میں سترہ جانیں ضائع ہوئی تھیں۔

Comments

comments

یہ بھی پڑھیں