پشاور: سرکاری ٹی وی کے پشاور سینٹرمیں لگنے والی آگ پرقابوپا لیا گیا، آگ عمارت کے گراؤنڈ فلورپر لگی تھی۔
تفصیلات کے مطابق پشاور کینٹ کے علاقے میں سرکاری ٹی وی کی عمارت میں لگنے والی آگ پر 4 گھنٹے کی جدوجہد کےبعد قابو پا لیا گیا تاہم کولنگ کا عمل جاری ہے۔
ترجمان ریسکیو کے مطابق ریسکیوآپریشن میں فائربریگیڈ کی آٹھ گاڑیوں، دو واٹرباؤزر، تین ایمبولینسوں اور چالیس فائرفائٹرزنے حصہ لیا۔
ریسکیو حکام کے مطابق آگ عمارت کے نچلی حصے میں لگی، جس پر قابو پانے کا آپریشن مکمل کرنےمیں چار گھنٹے کا وقت لگا۔
ترجمان ریسکیو کا کہنا ہے کہ آتشزدگی سے دو اسٹوڈیواوراوپروالا ہال متاثر ہوا ہے۔ عینی شاہدین کے مطابق آگ شارٹ سرکٹ کےباعث لگی۔
ریسکیو حکام کےمطابق آگ بجھانے کے بعد کولنگ کا عمل جاری ہے جبکہ طبی امداد کے لیے 3 ایمبولینس بھی موقع پر موجود ہیں۔
پشاور، سوات اورگردونواح میں زلزلےکےجھٹکے
خیال رہے کہ آج صبح صوبہ خیبرپختونخواہ کے دارالحکومت پشاور، چترال، سوات اور گرد ونواح میں آج صبح زلزلے کے جھٹکے محسوس کیے گئے تاہم کوئی جانی جانی ومالی نقصان کی اطلاع موصول نہیں ہوئی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
