لبنان کے دارالحکومت بیروت میں ایک عجیب و غریب واقعہ رونما ہوا، ڈی پورٹ کرنے پر احتجاج کرتے ہوئے مسافر نے بیروت ایئرپورٹ پر صوفے کو آگ لگا دی۔
غیر ملکی میڈیا کا اس حوالے سے کہنا ہے کہ بیروت کے رفیق حریری بین الاقوامی ہوائی اڈے میں جنرل سیکیورٹی کے ڈی پورٹیشن دفتر میں آگ لگ گئی، جسے سول ڈیفنس کے اہلکاروں نے فوری ایکشن لیتے ہوئے بجھایا۔
رپورٹ کے مطابق بیرون ملک سے آنے والے مسافر کو امیگریشن نے ڈی پورٹ کر دیا تھا، جس نے طیش میں آکر ایئرپورٹ پر رکھے صوفے کو آگ لگادی، فائر بریگیڈ نے آگ پر قابو پالیا، آتشزدگی کے بعد فلائٹ شیڈول متاثر نہیں ہوا۔
نگران حکومت کے وزیر برائے عوامی امور و ٹرانسپورٹ ڈاکٹر علی حمیہ اور ڈائریکٹر جنرل آف سول ایوی ایشن فادی الحسن نے ایئرپورٹ کا دورہ کیا اور صورتحال کا جائزہ لیا۔
ابتدائی اطلاعات کے مطابق ایک مسافر نے ڈی پورٹیشن دفتر میں موجود صوفے کو جلا ڈالا۔
امریکا کی پڑوسیوں سے تجارتی جنگ کاخطرہ ٹل گیا
ذرائع کے مطابق مذکورہ شخص کو قانون کی خلاف ورزی اور طیارے میں سگریٹ نوشی کے باعث ایئرپورٹ پہنچنے کے فوراً بعد ڈی پورٹیشن دفتر روانہ کردیا گیا تھا، اپنی دوبارہ ملک بدری کے فیصلے کے خلاف احتجاج کرتے ہوئے اس نے دفتر میں رکھے صوفے کو آگ لگادی۔
