کراچی : صدر ریگل چوک پر الیکٹرونکس مارکیٹ میں لگنے والی آگ پر قابو پالیا گیا، مارکیٹ بند ہونے کی وجہ سےجانی نقصان نہیں ہوا۔
تفصیلات کے مطابق کراچی کے علاقے صدر ریگل چوک کے قریب دکانوں میں اچانک آگ لگ گئی، اطلاع ملتے ہی دو واٹر باؤزراور تین فائر ٹینڈر جائے وقوع پر پہنچ گئے۔
فائر بریگیڈ حکام نے بتایا کہ آگ مارکیٹ کے میزنائن فلور میں بجلی کے تاروں میں لگی، میزنائن فلور پر بڑی تعداد میں گودام قائم ہیں، جس کے باعث کوشش کی گئی کہ آگ گوداموں تک پھیلنے سے روکا جائے۔
آگ لگنے کے باعث مارکیٹ کی بالائی منزلوں پر رہائشی فلیٹس کوخالی کرا لیا گیا تایم فائربریگیڈ کے فائرٹینڈرز کئی گھنٹوں کی کوششوں کے بعد آگ پرقابو پایا۔
ریسکیو 1122 نے بتایا کہ کولنگ کا عمل جاری ہے، 12 بجکر 36 منٹ پر آگ لگنے کی اطلاع ملی اور فائربریگیڈ کی ایک گاڑی 15منٹ کے اندر جائے وقوعہ پہنچی۔
تاجر رہنما کا کہنا تھا کہ عمارت میں بڑی تعداد میں الیکٹرونکس مصنوعات موجود ہیں ، مارکیٹ بند ہونے کی وجہ سے جانی نقصان نہیں ہوا۔
چیف فائرآفیسر ہمایوں خان نے بتایا کہ 6 گاڑیاں، 2 باؤزر اور ایک اسنارکل نے آگ بجھانے میں حصہ لیا کھلی وائرنگ کے باعث آگ نے شدت اختیار کی۔
ہمایوں خان کا کہنا تھا کہ عمارت میں نیچےدکانیں،گودام اوراوپررہائشی فلیٹس تھے تاہم تمام افراد کو محفوظ مقامات پر بھیج دیا گیا ہے اور تنگ راستوں کےباعث ریسکیو آپریشن میں مشکلات کا سامنا رہا۔
