اسپیکر ہاؤس پنجاب میں آتش زدگی، عمارت کو شدید نقصان -
The news is by your side.

Advertisement

اسپیکر ہاؤس پنجاب میں آتش زدگی، عمارت کو شدید نقصان

لاہور: اسپیکر ہاؤس پنجاب میں آتش زدگی سے عمارت کو شدید نقصان پہنچا، آتش زدگی کی رپورٹ تھانہ ریس کورس میں درج کر دی گئی۔

تفصیلات کے مطابق اسپیکر ہاؤس پنجاب میں آگ بھڑک اٹھی، آگ سے  اسپیکر ہاؤس کو شدید نقصان پہنچا، تھانہ ریس کورس میں رپورٹ درج کر دی گئی۔

اسپیکر ہاؤس میں آگ شارٹ سرکٹ کے باعث لگی: رپورٹ

ریسکیو ذرائع کا کہنا ہے کہ اسپیکر ہاؤس پنجاب میں لگنے والی آگ پر قابو پا لیا گیا ہے، آگ لگنے سے اسپیکر ہاؤس کی دیواروں، چھت کو نقصان پہنچا۔

رپورٹ میں کہا گیا ہے کہ اسپیکر ہاؤس کے 12 صوفے، 32 پردے، 18 کرسیاں اور 3 بیڈ جل گئے ہیں، ریسکیو نے ایک گھنٹے کی جدوجہد کے بعد آگ پر قابو پایا۔

رپورٹ کے مطابق اسپیکر ہاؤس میں آگ شارٹ سرکٹ کے باعث لگی، اسپیکر ہاؤس ابھی تک سابق اسپیکر رانا اقبال کے زیرِ استعمال تھا۔


یہ بھی پڑھیں:  عمران خان اور پنجاب اسمبلی اسپیکر پرویز الہیٰ‌ میں رابطہ، پنجاب میں تبدیلی کا عمل آگے بڑھانے کا عزم


رپورٹ میں مزید کہا گیا ہے کہ پاکستان مسلم لیگ ن سے تعلق رکھنے والے سابق اسپیکر رانا محمد اقبال کے 3 بیٹے اسپیکر ہاؤس میں رہائش پذیر ہیں۔

خیال رہے کہ رانا اقبال 2013 میں پنجاب اسمبلی کے اسپیکر منتخب ہوئے تھے، اسپیکر شپ کے لیے ان کے مدِ مقابل پی ٹی آئی کے راشد حفیظ تھے۔ پنجاب اسمبلی کے موجودہ اسپیکر چوہدری پرویز الٰہی ہیں۔

Comments

comments

یہ بھی پڑھیں