دبئی : متحدہ عرب امارات کے مشہور شہر دبئی میں 75 منزلہ عمارت میں آگ لگ گئی، تاہم کوئی جانی نقصان کی ابھی تک کوئی اطلاع نہیں ہے۔
تفصیلات کے مطابق مرینا کے علاقے میں واقع 75 منزلہ سلفا لگژری اپارٹمنٹ کی 35 ویں منزل پر آگ لگ گئی، آتشزدگی کا واقعہ پچہتر منزلہ عمارت کے پینتیسویں فلور پر پیش آیا، واقعے کی اطلاع ملتے ہی شہری دفاع کی ٹیمیں امدادی کاموں کیلئے پہنچ گئیں۔
Firefighters continue to work to put out the fire at Sulafa Tower pic.twitter.com/C1uOKRd5KL
— Dubai Media Office (@DXBMediaOffice) July 20, 2016
دبئی شہری دفاع محکمے کے ترجمان کا کہنا ہے کہ عمارت میں سے تمام افراد کو ریسکیو کر لیا گیا ہے، آگ سے کسی جانی نقصان کی کوئی اطلاع نہیں۔
ریسکیو آپریشن کے دوران دبئی مرینا میں عمارت کے اطراف کی سڑکوں کو ٹریفک کیلئے بند کردیا گیا ہے، مقامی انتظامیہ کے مطابق آگ مقامی وقت کے مطابق ڈھائی بجے لگی تھی، عمارت میں سات سو رہائشی فلیٹس اور دفاتر موجود ہیں۔
Fire in Dubai marina Sulafa tower pic.twitter.com/bxXJqtfg47
— MantisCapital (@MantisCapital) July 20, 2016
ترجمان کا کہنا ہے کہ آگ نے 15 منزلوں کو اپنی لپیٹ میں لے لیا ہے، ہوا کی وجہ سے ریسکیو آپریشن میں مشکلات کا سامنا رہا۔
واضح رہے نومبر 2012ء میں بھی اسی عمارت کی 34 منزل پر آگ لگی تھی جبکہ دبئی میں نئے سال کی آمد سے کچھ دیر قبل برج خلیفہ کے قریب ایڈرس ہوٹل میں آگ لگی تھی۔
