The news is by your side.

Advertisement

کراچی کے معروف ڈیپارٹمنٹل اسٹور میں آتشزدگی، آگ تیسرے درجے کی قرار

شہر قائد کے علاقے جیل چورنگی کے قریب سپر اسٹور کے وئیر ہاؤس میں آتشزدگی کا واقعہ پیش آیا ہے۔

فائر بریگیڈ حکام کے مطابق آگ سپر اسٹور کے بیسمنٹ میں لگی ، جس نے دیکھتے ہی دیکھتے شدت اختیار کرلی۔

حکام کے مطابق فائربریگیڈ کی چھ گاڑیاں آگ پر قابو پانے میں مصروف عمل ہیں، آگ کی شدت کو مدنظر رکھتے ہوئے اسے تیسرے درجے کی آگ قرار دے دیا گیا ہے اور شہر بھر سے فائربریگیڈ کی گاڑیوں کو موقع پر طلب کرلیا گیا ہے، دھواں زیادہ ہونےکےباعث فائر فائٹرز کو مشکلات کاسامنا ہے۔واقعے سے متعلق پولیس حکام کا کہنا ہے کہ ڈیپارٹمنٹل اسٹور کا عملہ اور خریدار محفوظ ہیں، اسٹور میں کسی شخص کی موجودگی کی اطلاع نہیں ہے۔

ترجمان رینجرز کے مطابق جیل چورنگی کے قر یب سپر اسٹور کے ویئر ہاؤس میں آتشزدگی کے بعد رینجرز کے جوان موقع پر موجود ہیں اور ریسکیو ٹیموں کیساتھ ملکر آگ بجھانے کے عمل میں مصروف ہیں۔

چیف فائر آفیسر نے میڈیا سے گفتگو میں بتایا کہ عمارت کی بیسمنٹ میں داخلی راستے کم ہیں جس کے باعث امدادی کاموں میں مشکلات پیش آرہی ہیں، دھواں بہت زیادہ ہے، آگ بجھانے کی مسلسل کوشش کر رہے ہیں، جس مقام پر آگ لگی اس جگہ کا تعین ہوگیا ہے، حکمت عملی کے تحت جلد آگ پر قابو پانے کی کوشش کر رہے ہیں

Comments

یہ بھی پڑھیں