The news is by your side.

Advertisement

کراچی: فیکٹری میں لگی آگ نے فائربریگیڈ کی خامیاں عیاں کر دیں، چھ افراز خمی

کراچی: شہرقائد کے کے علاقے سائٹ ایریا کی فوم فیکٹری میں خوفناک آگ بھڑک اٹھی، جس سے عمارت تباہ ہوگئی.

تفصیلات کے مطابق کراچی میں فوم فیکٹری میں لگنے والے آگ نے سب جلا کر خاکستر کر دیا، آگ پر ساڑھے بارہ گھنٹے بعد قابو پایا جاسکا.

طویل اور صبر آزما آپریشن میں سترہ فائرٹینڈرز نے حصہ لیا، جو پانی لاتے ، لے جاتے رہے. اس سانحے سے کراچی میں فائربریگیڈ کی خامیاں بےنقاب ہوگئیں.

فیکٹری میں الصبح آگ لگی، جلد ہی عمارت سے شعلے بلند ہونے لگے. اطلاع ملنے پر فائر بریگیڈ کا عملہ پہنچا، مگر حالات تیزی سے بگڑتے چلے گئے.

آگ بے قابو ہونے سے تین منزلہ عمارت مکمل طورپرمنہدم ہوگئی، جب کہ ملحقہ عمارت کو بھی شدید نقصان پہنچا.

اس افسوس ناک واقعے میں ملازمین سمیت چھ فائر فائٹرز زخمی ہوئے، جن میں سے تین کی حالت تشویش ناک ہے. واضح رہے کہ فیکٹری میں کیمیکل کا ذخیرہ بھی موجود تھا.

عینی شاہدین کا موقف ہے کہ اگر فائربریگیڈ کا عملہ بروقت پہنچ جاتا، تو آگ پرقابو پانا آسان ہوتا. تاحال اس ہولناک آگ کی وجہ معلوم نہیں ہوسکی.

کئی گھنٹوں تک جاری رہنے والے آپریشن کے بعد آگ پر قابو پایا گیا.


کراچی: آئی آئی چندریگر روڈ پر کثیرالمنزلہ عمارت میں لگی آگ بے قابو


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں