کراچی: صوبہ سندھ کے دارالحکومت کراچی کے علاقے ناظم آباد کی رہائشی عمارت میں لگنے والی آگ شدت اختیار کر گئی۔ فلیٹس میں رہائش پذیر خاندانوں کو قریبی پارک میں منتقل کر دیا گیا۔
تفصیلات کے مطابق آج صبح 6 بجے کراچی کے علاقے ناظم آباد نمبر 4 میں واقع رہائشی عمارت طارق پلازہ کے گودام میں آگ بھڑک اٹھی۔
فائر بریگیڈ کی 3 گاڑیاں آگ پر قابو پانے کے لیے پہنچیں۔ آگ نے شدت اختیار کی تو شہر بھر سے آگ بھجانے والی مزید 7 گاڑیوں کو طلب کیا گیا۔ عمارت کے رہائشیوں کو قریبی پارک میں منتقل کر کے عمارت کو خالی کروا لیا گیا۔
- Advertisement -
مزید پڑھیں: کراچی لانڈھی میں فیکٹری آگ کی نذر ہوگئی
فائر حکام کے مطابق گودام عمارت کے مالک کا ہے جس میں پہلے بھی 2 بار آتش زدگی کا واقعہ پیش آچکا ہے۔
چار منزلہ رہائشی منصوبہ لگ بھگ 60 فلیٹس پر مشتمل ہے جس میں تقریباً 2 ہزار کے افراد رہائش پذیر ہیں۔