لاہور : علامہ اقبال ایئرپورٹ لاہور سے دبئی جانے والے مسافر طیارے میں خوفناک آگ بھڑک اٹھی تاہم کوئی جانی نقصان نہیں ہوا۔
تفصیلات کے مطابق طیارے میں آتشزدگی کا واقعہ پنجاب کے دارالحکومت لاہور کے علامہ اقبال ایئرپورٹ سے اڑان بھرنے والے نجی ائیرلائن کے طیارے کے ساتھ پیش آیا۔
جہاز کے انجن میں آگ بھڑکنے پر پائلٹ نے کمال مہارت سے طیارے 410 کی لاہور ایئرپورٹ پر ہنگامہ لینڈنگ کرائی، جس کے بعد مسافر طیارے سے بحفاظت نکلنے میں کامیاب رہے۔
اطلاع ملنے پر مسافروں میں خوف و ہراس پھیل گیا تھا تاہم پائلٹ کی کمال مہارت سے صورتحال پر جلد قابو پالیا گیا۔
اس حوالے سے ذرائع کا کہنا ہے کہ نجی ایئرلائن نے دوسرے طیارے کے ذریعے مسافروں کو دبئی روانہ کردیا۔
