کراچی : شہر قائد میں عوامی مرکز کے قریب سپر اسٹور میں آگ بھڑک اُٹھی، فائر بریگیڈ کا عملہ آگ پر قابو پانے کی کوششوں میں مصروف ہیں، اسسٹنٹ کمشنر ساجدہ قاضی کچھ نہیں کہا جا سکتا کب تک آگ پر قابو پایا جائے۔
تفصیلات کے مطابق کراچی میں عوامی مرکز کے قریب سپر اسٹور میں اچانک آگ لگ گئی، فائر بریگیڈ کی 7گاڑیاں آگ پر قابو پانے میں مصروف ہیں جبکہ فائربریگیڈ کی مزید گاڑیاں طلب کرلی گئیں ہیں۔
سپر اسٹور میں لگی آگ کی شدت میں اضافہ ہوگیا اور آگ گودام اور بیسمنٹ تک پھیل گئی ہے۔
اسسٹنٹ کمشنر ساجدہ قاضی کا کہنا ہے کہ واٹر بورڈ اور فائر بریگیڈ کا عملہ آن بورڈ ہے، واٹر ٹینکرز کو بھی طلب کرلیا گیا ہے، کچھ نہیں کہا جا سکتا کب تک آگ پر قابو پایا جائے گا۔
مزید پڑھیں : کراچی، صبا سنیما کے قریب کپڑا فیکٹری میں آگ بھڑک اُٹھی
یاد رہے گذشتہ روز نیو کراچی صبا سنیما کے قریب کپڑا فیکٹری میں آگ لگی تھی ، حکام نے کپڑا فیکٹری میں لگنے والی آگ کو تیسرے درجے کی قرار دے دیا تھا۔
آگ پر قابو پانے کے لیے شہر بھر سے فائر ٹینڈر اور اسنارکل طلب کرلی گئی تھی جبکہ واٹر بورڈ کے سخی حسن اور نیپاہائیڈرنٹ پر ایمرجنسی نافذ کردی تھی۔
میئر کراچی وسیم اختر آگ بجھانے کی کارروائی کی براہ راست نگرانی کی تھی۔