کوالالمپور: ملائیشیا کے دارالحکومت کوالالمپورکے مدرسے میں آگ لگنے سے23 طلبہ سمیت 25 افراد جاں بحق جبکہ متعدد زخمی ہوگئے۔
تفصیلات کے مطابق ملائیشیا کے درالحکومت کوالالمپور کے مدرسے دارالقرآن اتفاقیہ میں صبح کے وقت آگ لگنے کا واقعہ پیش آیا جس میں 23 طلبہ اور 2 اساتذہ سمیت کم از کم 25 افراد جاں بحق ہوگئے۔
ریسکیو حکام کے مطابق آگ لگنے کے باعث زخمی والے طلبہ کواسپتال منتقل کردیا گیا ہے جہاں انہیں طبی امداد دی جارہی ہے۔
کوالالمپور میں امدادی کارروائیوں سے متعلق محکمے کے سربراہ خیرالدین درہمان کا کہنا ہے کہ 23 طلبہ اور دواساتذہ کے جاں بحق ہونے کی تصدیق ہوچکی ہے۔
خیرالدین درہمان کا کہنا تھا کہ گزشتہ 20 برسوں میں ملک میں یہ آگ لگنے کا بدترین واقعہ ہے۔
دوسری جانب ملائیشیا کےوزیراعظم نجیب رزاق نےسماجی رابطے کی ویب سائٹ ٹویٹر پر مدرسے میں آگ لگنے کے واقعے پر افسوس کا اظہار کرتے ہوئے متاثرین کے ساتھ ہمدردی کا اظہار کیا ہے۔
Innalillah. Amat sedih baca Pusat Tahfiz Darul Quran Ittifaqiyah terbakar & korban lebih 20 nyawa. Moga roh dirahmati Allah SWT. Al-Fatihah
— Mohd Najib Tun Razak (@NajibRazak) September 14, 2017
واضح رہے کہ مقامی میڈیا کے مطابق سنہ 2015 سے اب تک ملک میں آگ لگنے کے 200 سے زیادہ واقعات پیش آچکے ہیں۔