چین کے صوبے سیچوان کے شاپنگ سینٹر میں اچانک آگ خوفناک آگ بھڑک اُٹھی، جس کے نتیجے میں 16 افراد لقمہ اجل بن گئے جبکہ متعدد افراد عمارت میں پھنس گئے۔
بین الاقوامی خبر رساں ادارے کی رپورٹ کے مطابق بدھ کو چین کے مغربی صوبے سیچوان کے شہر زیگونگ کے ایک شاپنگ سینٹر میں مقامی وقت کے مطابق شام 6 بجے کے قریب اچانک آگ لگ گئی۔
شاپنگ سینٹر میں آگ لگنے کے سبب 16 افراد جھلس کر زندگی کی بازی ہار گئے، جبکہ شاپنگ سینٹر کی 14 منزلہ عمارت میں پھنسے افراد کو نکالنے کے لئے ریسکیو حکام کوششوں میں مصروف ہیں۔
رپورٹ کے مطابق مقامی فائر ڈپارٹمنٹ سے 300 کے قریب ایمرجنسی ورکرز اور درجنوں گاڑیاں جائے وقوعہ کی طرف روانہ کی گئیں جس کے بعد آگ بجھادی گئی۔
بھارت: آسمانی بجلی گرنے سے 38 افراد ہلاک
حکام کا کہنا ہے کہ شاپنگ سینٹر کی عمارت سے کل 30 افراد کو بچا لیا گیا ہے جبکہ ابھی یہ واضح نہیں ہوا ہے کہ اندر مزید کتنے افراد موجود ہیں۔
