کراچی : سپرہائی وے کے علاقے میں بیٹے نے اپنی والدہ اور ملازم کو گولیاں مار کر موت کے گھاٹ اتار دیا، بعد ازاں فائرنگ کرکے خود کشی کرلی، ملزم کا ذہنی توازن درست نہیں تھا۔
سپرہائی وے پر قائم نجی ہاؤسنگ سوسائٹی میں فائرنگ کا واقعہ پیش آیا ہے جس میں3افراد ہلاک ہوگئے، پولیس نے جائے وقوعہ سے تینوں نعشیں تحویل میں لے کر پوسٹ مارٹم کیلئے اسپتال منتقل کردیں۔
اس حوالے سے پولیس حکام کا کہنا ہے کہ واقعے میں بیٹے نے ماں اور ملازم کو فائرنگ کرکے قتل کردیا، ملزم نے فائرنگ کرنے کے بعد خود کو بھی گولی مار کرخودکشی کرلی۔
پولیس کے مطابق ابتدائی تحقیقات میں معلوم ہوا ہے کہ ملزم کا ذہنی توازن ٹھیک نہیں تھا جس کے باعث واقعہ رونما ہوا۔ جائے وقوعہ سے اسلحہ برآمد کرکے مزید تفتیش کی جارہی ہے۔
