site
stats
پاکستان

اسلام آباد، کھیت میں بکریاں چرانے پر جھگڑا، تین افراد ہلاک، ملزم گرفتار

اسلام آباد : تھانہ سیکرٹریٹ کے علاقے میں 2 گروپوں کے درمیان جھگڑے کے دوران فائرنگ سے 3 افراد ہلاک ہوگئے ہیں پولیس نے ملزم کو زخمی حالت میں گرفتار کر لیا ہے.

تفصیلات کے مطابق فائرنگ کا واقعہ تھانہ سیکرٹریٹ کی حدود میں پیش آیا جہاں دو گروپ آپس میں جھگڑ پڑے اور جھگڑے کے دوران اسلحہ کا کھلے عام استعمال کیا گیا جس کے نتیجے میں 3 افراد ہلاک ہو گئے ہیں۔

پولیس کے مطابق دونوں گروپ کے درمیان جھگڑا کھیتوں میں بکریاں چرانے پر ہوا تھا جو اتنا بڑھا کہ دونوں گروپوں نے ایک دوسرے پر فائرنگ کردی جس کے نتیجے میں تین افراد کی ہلاک ہونے کی اطلاع ہے جس کے بعد لاشوں کو پولی کلینک اسپتال منتقل کردیا گیا ہے.

پولیس کا کہنا تھا کہ ہلاک ہونے والوں میں عالم خان اور اس کی اہلیہ بھی شامل ہے جن کا تعلق وزیرستان سے ہے جب کہ مخالف گروپ سے تعلق رکھنے والے شخص مسکین کی لاش بھی اسپتال منتقل کردی گئی ہے.

پولیس نے دعویٰ کیا ہے کہ فائرنگ کرنے والے ایک ملزم ذیشان کو زخمی حالت میں گرفتار کرلیا گیا ہے جب کہ باقی ملزمان کی گرفتاری کے لیے چھاپے مارے جا رہے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top