The news is by your side.

Advertisement

کوئٹہ میں ٹارگٹ کلنگ، 4 سیکیورٹی اہلکار جاں بحق

کوئٹہ: فاطمہ جناح روڈ پر دہشت گردوں کی فائرنگ سے 4 سیکیورٹی اہلکار جاں بحق ہوگئے، جاں بحق اہلکاروں میں1 پولیس اور 3 ایف سی کے اہلکار شامل تھے جبکہ فائرنگ سے ایک راہ گیر زخمی ہوا۔

پولیس حکام کے مطابق کوئٹہ کے علاقے فاطمہ جناح روڈ پر دہشت گردوں نے فائرنگ کی جس کے نتیجے میں 4 سیکیورٹی اہلکار اور ایک راہ گیر زخمی ہوا، فائرنگ کا نشانہ بننے والے افراد کو کوئٹہ سول اسپتال منتقل کیا گیا۔

اسپتال انتظامیہ کے مطابق منتقل کیے گئے 6 میں سے 4 افراد جاں بحق ہوگئے جن میں سے ایک پولیس جبکہ تین ایف سی کے اہلکار ہیں جبکہ ایک شخص زخمی ہے جسے طبی امداد دی جارہی ہے۔

فائرنگ کے بعد حملہ آور موقع سے فرار ہونے میں کامیاب رہے جبکہ پولیس اور ایف سی کی بھاری نفری نے جائے وقوعہ پہنچ کر شواہد اکھٹے کیے اور تحقیقات کا آغاز کردیا۔ پولیس حکام نے واقعے کو ٹارگٹ کلنگ کا نتیجہ قرار دیتے ہوئے کہا ہے کہ اس واقعے سے متعلق کچھ کہنا قبل از وقت ہوگا تاہم تفتیش کے بعد تفصیلی بیان جاری کیا جائےگا۔


پڑھیں: ’’ کوئٹہ، مستونگ میں فائرنگ 4 افراد جاں بحق ‘‘


پولیس کے مطابق حملہ آور موٹرسائیکل پر سوار تھے اور انہوں نے نے ناکے پر کھڑے سیکیورٹی اہلکاروں کو نشانہ بنایا۔ پولیس نے جائے وقوعہ سے برآمد ہونے والے خول بھی اپنے قبضے میں لے لیے ہیں۔

خیال رہے بلوچستان کے مختلف علاقوں میں رواں سال سیکیورٹی فورسز پر متعدد حملے ہوچکے ہیں جس کے نتیجے میں کئی اہلکار شہید ہوئے ہیں جبکہ دہشت گردوں نے عوامی مقامات کو بھی نشانہ بنایا ہے۔


مزید پڑھیں: ’’ کوئٹہ پولیس ٹریننگ سینٹر پر حملہ،62 اہلکار شہید، 118 زخمی ‘‘


 یاد رہے گزشتہ ماہ کوئٹہ میں فائرنگ سے تین ایف سی اہلکار جاں بحق ہوئے تھے جبکہ بلوچستان کے ضلع مستونگ میں 2 مختلف واقعات میں 3 سیکیورٹی اہلکار شہید ہوئے تھے تاہم رواں ماہ دہشت گردوں نے پولیس ٹریننگ سینٹر پر حملہ کر کے 62 کیڈیٹس کو نشانہ بنایا تھا۔
Print Friendly, PDF & Email

Comments

comments

یہ بھی پڑھیں