The news is by your side.

Advertisement

اتفاقیہ گولی چلنے سے پانچ سالہ بچہ زخمی

لاہور: پنجاب کے علاقے رائے ونڈ میں اتفاقیہ گولی چلنے سے کم عمر بچہ زخمی ہوگیا۔

اے آر وائی نیوز کے مطابق پنجاب کے علاقے رائے ونڈ میں پانچ سالہ بچہ اتفاقیہ گولی چلنے سے زخمی ہوگیا۔ پولیس حکام کے مطابق بچے کا چاچا پستول صاف کررہا تھا کہ اسی دوران اچانک گولی چل گئی، جو سیدھی جاکر بچے کو لگی۔

رائے ونڈ پولیس نے واقعے کے بعد متاثرہ بچے کے چاچا کو حراست میں لے کر گھر سے پستول اور خول برآمد کرلیا۔ چھاپے کے دوران پولیس نے ملزم کے گھر سے کلاشنکوف اور شراب کی بوتلیں بھی برآمد کیں۔

ذرائع کے مطابق اہل خانہ نے وقوعہ چھپانے کیلئے ہوائی فائرنگ کا ڈرامہ رچایا اور دعویٰ کیا تھا کہ بچہ اُسی دوران زخمی ہوا۔ ڈاکٹرز نے بچے کی حالت کو خطرے سے باہر قرار دیا ہے۔

دوسری جانب لاہور میں ابابیل اسکواڈ نے اسنیپ چیکنگ کے دوران 12 اشتہاری ملزمان کو گرفتار کرلیا۔ ترجمان پنجاب پولیس کے مطابق گرفتار ہونے والے ملزمان میں تین عدالتی مفررو بھی ہیں۔

پولیس کے مطابق ملزمان کے قبضے سے ایک  چوری شدہ گاڑی، ایک پستول اورگولیاں بھی برآمد ہوئیں ہیں۔

Comments

یہ بھی پڑھیں