کراچی : فائرنگ کے واقعات میں اضافہ، باپ ہلاک بیٹا زخمی -
The news is by your side.

Advertisement

کراچی : فائرنگ کے واقعات میں اضافہ، باپ ہلاک بیٹا زخمی

کراچی : شہرقائد میں ایک بار پھر پرتشدد اور فائرنگ کے واقعات اضافہ ہوگیا، نامعلوم افراد کی فائرنگ سے ایک شخص ہلاک اور اس کا بیٹا زخمی ہوگیا جبکہ پاک کالونی میں ملزمان کی ہوٹل پر فارنگ سے خوف ہراس پھیل گیا۔

تفصیلات کے مطابق کراچی میں  فائرنگ اور پرتشدد واقعات میں ایک شخص جاں بحق اور پانچ زخمی ہوگئے، پولیس کے مطابق پرانا حاجی کیمپ میں نماز جمعہ کے بعد نامعلوم افراد کی فائرنگ سے باپ اقبال اور بیٹا نعمان زخمی ہوگئے۔

دونوں زخمیوں کو طبی امداد کیلئے اسپتال منتقل کیاگیا تاہم اقبال دوران علاج دم توڑگیا جبکہ اقبال کے بیٹے نعمان کی حالت بھی نازک بتائی جاتی ہے۔

دوسری جانب پاک کالونی بڑا بورڈ کے قریب نامعلوم افراد کی ہوٹل پرفائرنگ سے تین افراد زخمی ہوگئے، جنہیں طبی امداد کیلئے اسپتال منتقل کردیا گیا ہے، ناظم آباد میں بھی فائرنگ سے ایک شخص زخمی ہوا۔

Comments

comments

یہ بھی پڑھیں