کراچی: کورنگی بلال کالونی میں گھر کے باہر بیٹھے دو افراد کو ملزمان نے فائرنگ کرکے قتل کردیا۔
اے آر وائی نیوز کے مطابق پولیس ذرائع کا کہنا ہے کہ مقتولین کی شناخت محمد علی اور امتیاز کے نام سے ہوئی، موٹر سائیکل سوار ملزمان نے فائرنگ کی اور فرار ہوگئے۔
پولیس کے مطابق مقتولین بلال کالونی کے ہی رہائشی ہیں،جبکہ لاشوں کو ضروری کارروائی کے لئے اسپتال منتقل کردیا گیا ہے۔
- Advertisement -
ملزمان نے مقتولین سے کوئی بھی چیز نہیں چھینی، واقعہ بظاہر ذاتی دشمنی کاشاخسانہ معلوم ہوتا ہے، تحقیقات شروع کردی گئی ہیں۔
کراچی میں ڈاکوؤں نے شہری سے 8 لاکھ روپے لوٹ لیے
دوسری جانب اے وی ایل سی پولیس نے محمود آباد میں کارروائی کرتے ہوئے بہادرآباد سے چھینی گئی گاڑی برآمد کرلی، جبکہ ملزمان فرار ہونے میں کامیاب ہوگئے۔
